اخى الازهرى المعاصر كلامك رائع وصائب للغاية ومثال هذا المتشيخ موجودة وبكثرة عندما تتناقش مع حد وتقوله ده رأى المفتى ولا حتى رأى شيخ من مشايخ الازهر يرد عليك ويقول دول بيسهلوا الدين على كيفهم وكأن الناس بتعشق اللى يصعب عليهم الدين عشان يحسوا انهم بيضحوا فى سبيل الدين فيكون اجرهم اعلى صدقونى انا شفت نماذج بتعشق الاراء المتشدده وتقول هى ده الدين ولو جبتلهم رأى لشيوخ افاضل مشهود لهم بالعلم والوسطية زى الدكتور سالم عبد الجليل مثلا يقولوا احنا مسمعناش الكلام ده قبل كده هما عيزين يمشوا الدين على مزاجهم دول مشايخ الحكومة وفى المقابل بتلاقى ليهم تصرفات بعيده شويه عن ارائهم
وكمثال انا اتعرفت على صديقة ولقتها متشدده جدا لموضوع النقاب وانه فرض شئ جميل ده رأيها طب تيجى نشوف نوعية لبسها عبايات مجسمة وبديهات على جيب وكم العباية بيترفع لحد نصف دراعها فكان ردى عليها طب التزمى على الاقل باللباس اللى الكل متفق عليه انه لايصف ولايشف وبعدين نتكلم فى فرضية النقاب قالتلى ما انا نويه اتنقب
ادى نوعية تعشق التشدد لكنها لاتلتزم به ولا بالميسر