مشهد 1
حي على الصلاة..والله نفسي ..بس لما أجهز الاول
حي على الصلاة..والله نفسي ..بس ازاي اقابل ربنا كده؟؟؟؟؟ لما أصلح نفسي الاول
حي على الصلاة..بصوا بقى من الآخر..احنا جيل مافيهوش امل..احنا هنربي أولادنا على الصلاة من صغرهم
حي على الصلاة..ماهو العمل عبادة برضه..اييييييييييييييه؟؟؟؟؟؟؟
حي على الصلاة..هو فيه مسجد في منطقتنا أساسا؟؟؟؟؟
حي على الصلاة..مبعرفش أصليييييييي
حي على الصلاة..قلت لكم اني عارف انه الصلاة مهمة..وأكيد هييجي يوم وأصلي
حي على الصلاة..أنا مريض ..
حي على الصلاة..أنا متت خلاص
حي على الصلاة..هي الناس اللي بتصلي من غير ما تصلح نفسها فاكرة ربنا هيتقبل منها؟؟؟؟
حي على الصلاة..مفيش امل ..المساجد فاضية..ياعم انت بتنفخ في قربة مقطوعة
حي على الصلاة..هو حضرتك بتصلي أساسا؟؟؟
حي على الصلاة..هو مفيش غيري؟؟؟؟؟؟؟ماهي الناس كلها قاعدة!!!!!!!!
حي على الصلاة..فييييييييييين..أيام الصحابة والصالحين؟؟؟؟؟؟؟؟
حي على الصلاة..أول ما كل الناس تصلي..هبقى أفكر
حي على الصلاة..بركاتك ياعم
حي على الصلاة..عندي امتحانات..بذااااكر
حي على الصلاة..مفيش ميه اتوضااااااا
حي على الصلاة..طيب بعد الماتش..لا الفيلم..طيب الشات
حي على الصلاة..الطبيخ بس وهقوم على طول..حتة الشغل دي بس
حي على الصلاة..نفسي بس أخشع بس - يعني مش هتقوم تصلي..بعديييييين..هو أنا هموت خلاص؟
حي على الصلاة..طيب ممكن اعرف ازاي أصلي؟؟؟؟؟؟وامتى أول آذان جاي؟
اكيد لازم اتعلم الصلاة و اصلي الاول..علشان اعرف أعلم ولادي الصلاة
وأكون قدوة ليهم بالعمل مش بالكلام
وكمان أعرف
وايه اهمية الصلاة؟؟؟؟؟وايه شروط صحتها؟؟؟؟؟وايه الرخص بتاعتها؟؟؟؟؟؟وابدا ازاي؟؟؟؟؟؟؟
وساعتها هدعو كل الناس للصلاة..وانا قدوة ليهم
مشهد 2
أخي الضعيف يضربه لص في الشارع امامي..وكان نفس اللص معتادا بضربه..وكمان بيكدب على الناس ويجيب شهود زور ويدعي انه أخي هو الغلطان..والناس بدأت تصدقه وتكره اخي الضعيف
طفل:الحق ياعمو- وانا مالي لايضربني أنا كمان
- لو كنت قوي كنت قدرت أدافع عنه
- يستاهل اكيد ضايقه
- ايه اليوم اللي باين ده؟؟؟؟؟؟؟
- أنا ورايا حاجات مهمة وهتعطل
-الشهامة دي كانت أيام زماااااااااان
- اشمعنى انا اللي هعمل حاجة ماالناس كلها ساكتة؟؟؟؟؟؟؟
-أنا نفسي أنقدذه بس هتعلم فنون الدفاع عن النفس وراجعلك ياعم ..استنانييييييييي
- ممكن اتعور واخردممممممم..ياااااااي!!!!!!!!!
-هقف علشان اتتريق عليه وعلى أي حد يساعده..ياعم كان غيرك أشطر..روح شوف اللي وراك ده بلطجي!!!!!!
-هو مش أنا كويس؟؟خلااااص..كده تمام
- مرة شفت حد حاول يعمل جدع ومات
-يعني لو جربت أساعده هعرف أعمل حاجة؟؟؟؟؟؟؟
-مش ده اللي كان متخانق مع أخوه من كام يوم؟؟؟؟هو كل شوية يوجع دماغنا؟؟؟؟
-هقف من بعيييييييد..واشتم الحرامي وأطلع له لساني.أنا شاطر
-همشي من الشارع التاني..محدش واخد باله
-ما ينوب المخلص........!!!!!!!
-اقول له اخص يا وحش..تؤتؤ تؤ
-هشوف حد جامد يساعدني
-يلا..خليه يتربى
-الحقونا يا ناس
- هزعق للحرامي وأحاول أبعده
-هعمل كل اللي أقدرعليه دلوقت ..وبعدين أشوف حل يوقف الحرامي ده عند حده بشكل نهائي..وهقلب الدنيا عليه ومش هسكت..وأفوق الناس وأعرفهم الحق مع مين..وأكشف شهود الزور
واطلب منهم يتصلحوا
السلام عليكم ورحمة الله وبركاته
اعتقد انه كلنا وصلت له الفكرة بتاعة الموقفين السابقين
وعرفنا مين هو اللي بينضرب في الموقف الثاني
اما الموقف الاول
فكل اللي عايزين نعمله اننا نحط حي على الجهاد ..مكان حي على الصلاة
ونتفق على نقطتين
اولا..مينفعش نعلم أولادنا الصلاة من غير ما نكون احنا بنصلي أساسا
ثانيا..مينفعش نصلي من غير ما نعرف ازاي بنستعد للصلاة وازاي نصلي
يعني بنستعد للصلاة بوضوء وملابس وتوجه للقبلة
وكمان انه في الموقف الاول..فيه ناس مسمعتش حي على الصلاة
بالنسبة للصلاة
فيه فروض ونوافل
وفيه صلاة المريض والمسافر
حتى اللي مش بيقدر يتحرك بيصلي بعينيه
طيب الآذان بيأذن دلوقت..وانا مش بعرف أصلي كويس..هلحق الفرض ده..وأستمر في التعلم
طيبو اللي بيؤذن..نقول له سايب الصلاة وبتؤذن ليه؟؟؟
ماهوده وقت الآذان ..وفرض كفاية انه الناس تؤذن علشان نصلي..
وساعة الصلاة هيصلي معانا طبعا
واللي بيتعلم الوضوء والصلاة دلوقت..ينفع نقول له انت سايب الصلاة وقاعد تتكلم؟؟؟؟؟؟
طيب واحد رايح يتعلم الصلاة..وبيجمع أصحابه..
نقول له بطل رغي يابني..واعمل حاجة مفيدة..هو مش الدين النصيحة برده؟؟
أنا بنصح أهو..
طيب مش تتأكد انه دي النصيحة الانسب والافيد؟؟
مش يمكن يكون بيعمل حاجة صح؟؟
مش تفهم هو بيعمل ايه؟وليه؟
وبعدين هي مش النصيحة دي..كلام ؟؟؟؟؟؟؟
واللي بيتعلموا الصلاة؟؟؟؟؟؟؟
-ايه تضييع الوقت ده..قوموا صلوا فورا
مبيعرفوش..عيزين يتعلموا
وفيه ناس بتصلي وفي صلاتها أخطاء
وناس بتعلم الناس الصلاة غلط
مينفعش نمسك في واحد معندوش مية ونقول له متتيممش واستنى الميه تيجي علشان تصلي صح
ومينفعش نمسك في واحد مريض ونقول له استنى لما تخف وصلي الصلاة كاملة
ولا واحد رايح يصلي يقول أصل الراجل اللي بيصلي في الصف الاول ده مش بطيقه..ويسيب الصف
او نصر انه مينفعش غير صلاة كاملة يا اما بلاش..ورخص المريض والمسافر منعرفهاش
ديننا مش كده
*********
وان كانت امتنا مريضة الآن
فبإذن الله ربنا يقبل منها جهاد المريض
وبإذن الله تواظب على الدواء لغاية ما تخف
تعرف مرضها
تعرف دواء صحيح
وتواظب عليه
وهي بتاخد الدواء ده
تصلي صلاة المريض
المشكلة انه علشان نفهم الموقف ده ..محتاجين نكون بجد فاهمين معنى حي على الصلاة
علشان نفهم معنى حي على الجهاد
يعني فقه الاولويات
وكده محتاجين نفتح الباب للمناقشة
لنحدد..كيف تكون صلاة المريض(جهاد الوقت الحاضر)
وكيف يكون الدواء
طيب وموقف2..اللي هيسيب أخوه يتضرب لغاية ما يموت ده..
ياترى الحرامي بعد ما يخلص على أخوه هيسيبه؟؟؟
طيب ياترى هيلحق يكون جهز نفسه واستعد؟؟؟؟؟
ياترى هيلحق أخوه ٌقبل ما يموت؟؟؟؟
طيب لو جه حد غريب وساعد اخوه
هيسيبه وبرده يقول انا مالي؟؟؟؟؟؟
طيب لو الناس بدأت تعرف انه اللي بيضرب أخوه حرامي وكداب؟؟؟؟؟طيب ابتدوا يعرفوا انه كداب ولسه ماعرفوش انه حرامي؟؟؟؟
ازاي يكون موقفه ايجابي؟
وازاي يكون موقفه سلبي؟؟؟؟
فاكرين قصة الأسد والثيران الثلاثة..أكلت يوم أكل الثور الأبيض..واللي حصل في سقوط الاندلس؟
وموقف 3
اللي هو حال الشارع والامة العربية والاسلامية دلوقت تحديدا
وياترى كل مجموعة عندها وجهة نظر فاهمة وجهة نظر الباقي؟
ولا بننتقد في بعض وخلاص؟؟؟؟
ولنا حديث طويل بإذن الله
رشا شكري
2-6-2010
الرئيسية 
