الإجتماع التأسيسى الأول لهيئة تحرير مجلة أزهرى بلا حدود p d f

اريد المشاركه فى المجله
سوف اكتب فى الاخبار والتحقيقات الصحفيه ولو يجوز المقال ايضا

استاذ محمد السلام عليكم احب اشارك معاكم طبعا واتمنى عمل قسم خاص بالتعليم والبحث العلمى وتطويرة وما يراه الناس من مساوىء فيه وما يرونه جيد ورؤية الكبار والصغار فيه ووضع نماذج تعليميه مقترحه بعد تحديد الاهداف ومراعاة الجوانب المختلفة للتعليم والتعلم بالنسبة لجميع المراحل العمرية السنية والمراحل التعليمية المختلفة بما فيها التعليم الجامعى بالطبع . ومشاركة المعلمين واساتذة الجامعات والطلبة وعرض الابحاث والدراسات المميزة ومحاولة توصيلها بما يحقق المصلحة العامة والفائدة للمجتمع بأكمله وطبعا احب اشارك فى قسم الاسرة والطفل بالتأكيد.



واخيرا شكرا لك

اريد ان اعرف الصوره تكون لمن
ثانيا : التحقيقات سوف تكون مع عديد من الاشخاص من فئات كثيره عن انتخاب الرئيس القام
والتقرير الفكره الموجوده عندى سوف تكون عن تزوير الانتخابات ومشروع التوريث
الاخبار سوف تكون جيده طبعا
وفى انتظار ردك
للتنسيق

Elshmaly كتب:

اريد ان اعرف الصوره تكون لمن
ثانيا : التحقيقات سوف تكون مع عديد من الاشخاص من فئات كثيره عن انتخاب الرئيس القام
والتقرير الفكره الموجوده عندى سوف تكون عن تزوير الانتخابات ومشروع التوريث
الاخبار سوف تكون جيده طبعا
وفى انتظار ردك
للتنسيق

الصورة لحضرتك طبعا علشان مقال الرأى بحانبه الصورة فى التصميم النهائيى
و تكون تليق بمقالة الرأى

التحقيق يفضل انك تخليه أكثر تحديدا
فكرة مناقشة التوريث و كده فكرة فى العموم و كمان مكررة من ايام 2004
الا اذا وضحت لى الزاوية الجديدة اللى هتتنناول فيها الحدث
او التفصيلة المبتكرة من ناحيتك
او اسلوب التناول الجديد

خليه جديد و مواكب للحدث الحالى
يعنى مثلا تغطية لعودة البرادعى
مثلا او الشخصيات التى هناك احتمال ترشحها
د. البرادعى
عمرو موسى
ايمن نور

و كده

لكن راعى فى التحقيق الموضوعية جدا جدا

فى الصحافة المحترفة
ان الرأى مكانه مقالة الرأى فقط
اما التحقيق فهو عبارة عن تغطية لكل الاراء السلبية و الايجابية
يعنى تحقيق عن حدث عودة البرادعى لازم التحقيق يشمل وجهات النظر المختلفة بما فيها اللى بيكرههوه

و هكذا

محتاج منك كذا فكرة تحقيق تانية عشان نشوف افكارك
و يستحسن تكون متنوعة فى المجالات

نصيحة :
التحقيق اللى حيخلص الأول
و يتسلم و يتم الموافقة عليه
هو التحقيق اللى هينزل العدد قبل غيره

يعنى انا ممكن اوافق على تحقيقك
و اوافق على تحقيق غيرك

بس انت تتأخر فى ارسال تحقيقك
و غيرك يسبقك

هنا هنزل تحقيقه لأنه سبقك

الصحافة فعل فى التوقيت الصحيح

انا نبهت علشان تلحق من دلوقت
و لو التحقيق حلو ممكن يكون غلاف العدد كمان

و جزاك الله خيرا

اقتباس :

لاخبار سوف تكون جيده طبعا
وفى انتظار ردك
للتنسيق

انا ما ذكرتش كلمة جديدة انا قلت :

اقتباس :

بالنسبة للأخبار هل هتغطي اخبار جديدة و ايه نوعها بالضبط ؟
التفاصيل منتظرينها علشان نكمل

يعنى جديدة و لا قديمة
مصدرها من عندك
و لا مصدرها من مصادر اعلامية أخرى
علشان انت عارف الفرق اكيد


ملحوظة : واضح انك قاريء متحمس للدستور
و ده شيء حلو انك تكون مطلع
بس احنا بنعمل صحافة اكثر استقلالية
مش بننحاز لا للمعارضة و لا النظام
احنا بنعرض كل الاراء
و بنحاول نتدرب على تغطية الاخبار

دون انحياز لطرف على حساب طرف

و لا انحياز لرأي دون اخر

و هى دى الرسالة الاعلامية الحقيقية فى الاطار الاسلامى الذي يحفظ للاعلام احترامه و احترافه و عصريته فى ذات الوقت

الاخبار اكيد جديده
وانا قارئ جيد ولست منحاز
واريد ان اعرف سبب رايك هذا اذا كان بسبب الموضوع المكتوب لابراهيم عيسى
لقد كتبت مصدره
وكتبت موضوعين فى قسم الصحافه من مجهودى الشخصى
انا لست بناقل احداث
لدى عقل اعتمد عليه وليس معنى انى وافقت المعارضه فى شئ اكون من اتباعهم
انا احاول كتابه وجه نظرى وتحليلى الشخصى
واظهار وجه نظر اناس رأيت انهم يتحدثون بموضوع هام
وليس معنى ذلك انى سوف اكون ناشر لجه معينه
لقد وافقت الاشتراك معكم محاوله منى ومساعده منى لباقى الافراد واعلم
ان منهم من يوافقنى ومنهم من يعارضنى
وليس لدى مرجع لاى شئ اقرأه من كتب وصحف
او اكتبه من وجه نظرى
سوى كتاب الله وسنه رسوله
ارجوا تفهم الامر

والمصادر من الاعلام المصرى كله
ولو وجدت اخبار من الشارع المصرى مؤكده سوف اضيفها

amiras كتب:

فكرة المجلة حلوة قوى وطبعا احب المشاركة وهيكون فى باب المرأة المسلمة ويمكن فى كتابة المقال ولو عيزين نعملوا باب لحل المشاكل ممكن اساعد فيه لانى غاويه حل مشاكل

بس ليا استفسارين

المجلة دى هتنزل فين

هو لازم الصورة الشخصية

المجلة أول عددين هينزلوا فى المنتدى
العدد التجريبى و العدد الزيرو
و فى أكثر من موقع
بخلاف انه هيتم ارسالها لأكثر من قائمة بريدية لدينا من متابعى أزهرى تضم 800 إيميل و متابع

و اذا كانت شغل 100 % و كويس متميز بجد و حاجة متقدمة فى المستوى
فى احتمال كبير جدا ووعد
انها تنشر فى موقع قناة أزهري نفسها
فقط اذا كانت
و فى النهاية هى شغل بنتدرب فيه سوا
و ممكن يتطور
فقط
اذا انتوا اظهرتم موهبتكم و اثبتنا كفائتنا فى البداية
فشدوا حيلكم معانا

اقتباس :

هو لازم الصورة الشخصية

فقط لكتاب مقالات الرأي ...
لأن القاعدة الصحفية
هو عدم نشر صورة كاتب مقالة الرأي فقط فى حالة شهرته الطاغية و ان يكون معروفا على نطاق كبير جدا
يعنى واحد زى محمد حسنين هيكل او حمدى رزق
مش محتاج صورة

لكن صحفى مش معروف و بيكتب مقالة رأى
لازم صورة
ده عرف و نظام و ماشيين عليه

و كل الاشياء قابلة للنقاش
بس انا بوضح وجهة النظر فى كل صغيرة و كبيرة كما عودناكم
أما الباقون فهم لديهم الحرية فى ارسالها او عدم ارسالها

رئيسى وزميلى الفاضل
المقال هيكون بعنوان
مرشح ليس له وجود

والمقال مازال تحت الاعداد

سؤال
متى ميعاد نشر المجله
وهل نرسل المقال ومواضيع المجله على الايميل ام ماذا
وعايز اعرف رايك فى المواضيع التى اضيفت الى قسم الصحافه

وفى انتظار ردك

تحياتى

السلام عليكم ورحمة الله وبركاته

أود الإشتراك فى المجلة فى القسم الى حضرتك تختاره ليه لأنى وبحمد الله أقدر أسد فى أى شغل فأى قسم حضرتك مش لاقى عضو فيه أو محتاج عضو فيه أخبرنى وستجد بغذن الله ما يسرك

أود أن أضيف قسم لترجمة المجلة إلى اللغة الإنجليزية وذلك لنشرها حول العالم ولى من يعيننى على ترجمتها من صديقاتى ولكنى سأكون المتحدثة بإسمهم لأنهم ليس لديهم نت للتواصل مع المنتدى

أرجوا الموافقة على مشاركتى وإفادتى بالرد سريعا وشكرا جزيلا

انا حابة انى اشارك
بمواضيع اجتماعية
لانى بحب اتناقش في المواضيع اللى تهم الناس

نيرة العيسوى كتب:

السلام عليكم ورحمة الله وبركاته

أود الإشتراك فى المجلة فى القسم الى حضرتك تختاره ليه لأنى وبحمد الله أقدر أسد فى أى شغل فأى قسم حضرتك مش لاقى عضو فيه أو محتاج عضو فيه أخبرنى وستجد بغذن الله ما يسرك

أود أن أضيف قسم لترجمة المجلة إلى اللغة الإنجليزية وذلك لنشرها حول العالم ولى من يعيننى على ترجمتها من صديقاتى ولكنى سأكون المتحدثة بإسمهم لأنهم ليس لديهم نت للتواصل مع المنتدى

أرجوا الموافقة على مشاركتى وإفادتى بالرد سريعا وشكرا جزيلا

و الله ده يبقى شيء رائع جدا
موضوع ترجمة المجلة
و ممكن نرسلها لجروبات اسلامية عالمية امريكية على الفيس بوك
لكن تعالى نفكر بصوانا شايف ان دى خطوة محتاجة تأنى و دراسة شوية
ليه ؟
لأن الفكرة مش مجرد ترجمة محتوى
الفكرة هى المحتوى موجه لمن ؟
بمعنى
ان فى مجلتنا الجمهور المستهدف هو العرب و المصريين و المسلمين مثلا
فلو ترجمنا المحتوى كما هو و ارسلناه لجمهور مختلف سيجد انه ليس مهتم بها

هى الفكرة ممكن نطورها اننا نعمل
طبعة عالمية من المجلة
و حضرتك تكونى المشرف عليه طبعا
فكرى فى الموضوع و ادرسيه
لأنك غالبا هتبقى رئيسة تحرير تنفيذية للطبعة العالمية و دى حاجة مش سهلة بالتأكيد

حاليا لو عند حضرتك استعداد تعملى قسم فى المجلة عبارة عن تلخيص و عرض سريع لأهم ما جاء فى الصحافة العالمية خلال الاسبوعين الماضيين
بالذات فى شق المقالات اكثر من الاخبار
هيكون ده شيء رائع جدا
أو اى موضوع مناسب تترجميه
مستنى منك - اذا وافقتى - الموضوع و المادة اللى ناوية تنشريها على الايميل فى اليومين الجايين
و حمد لله ع السلامة

Elshmaly كتب:

رئيسى وزميلى الفاضل
المقال هيكون بعنوان
مرشح ليس له وجود

والمقال مازال تحت الاعداد

سؤال
متى ميعاد نشر المجله
وهل نرسل المقال ومواضيع المجله على الايميل ام ماذا
وعايز اعرف رايك فى المواضيع التى اضيفت الى قسم الصحافه

وفى انتظار ردك

تحياتى

تقصد حضرتك عنوان التحقيق
بس انا مش عايز المانشيت اخى الكريم
انا عايز اعرف التحقيق ملخصه ايه ؟
رؤوس الموضوعات ؟
طريقة التناول
و اذا كان عندك افكار تحقيق اخرى برضه
و تكتبها هنا
و التحقيق اللكامل ترسله على الايميل

بالنسبة للمقال ده مقال رأي و يرسل على
الايميل برضه
مع ملاحظة ان ارسال التحقيق او المقال يكون فى اسرع وقت علشان المساحة المتاحة لن نزيدها كثيرا
يعنى لو جائنى تحقيق افضل و تم تجهيزه اسرع
سأؤجل التحقيقات الاخرى للعدد القادم و هكذا

ديرو كتب:

انا حابة انى اشارك
بمواضيع اجتماعية
لانى بحب اتناقش في المواضيع اللى تهم الناس

طيب هتكون تحقيقات و لا مقالات ؟
التحقيق له طريقة معينة
و المقال له طريقة معينة

لو كان تحقيق عن موضوع اجتماعى اطرحى الموضوعات و الافكار
( علىالاقل 3 افكار ترينها مميزة و جديدة
علشان نتناقش فيها سويا

و اهلا بحضرتك معانا

يا ريت اللى عنده مقالة او افكار تحقيق او افكار مشاركة يعرضها الآن
لأننا هنبدأ فى تسليم المواد المكتوبة لفريق التصميم فى أزهري بلا حدود مع يوم الاثنين القادم
من لديه موعد يحتاج اليه يقوله
يقول
انا حخلص تحقيق كذا على يوم كذا
اللى هو موعد ال dead line
الموعد النهائيى لتسليمه
و فى هذه الحالة هنأجله
لكن الاصل لو ما بعتش ميعاده
قبل يوم الاثنين هيعتبر تأخر و يبقى العدد الجاى و عليه خير

صاحب المقالة يرسلها مع الصورة و ده كلام نهائى

لا تحقيق سيؤخذ قبل مناقشة أفكاره أو فكرته الاساسية معنا و أخذ الموافقة على التحقيق

المقالة بحد أدنى 800 كلمة
مصحوبا بصورة لكاتب المقال 4* 6 مناسبة

التحقيق بحد أدنى 3500 كلمة
مصحوبا بأدلة التحقيق
التسجيلات الصوتية للحوارات -الصور - البيانات و المستندات المؤكدة للتحقيق - المصادر الموثق فيها من مصداقيتها مهنيا و عالميا و عربيا و المذكورة بشكل مفصل يسهل الرجوع إليها - المراجع

الحوار مصحوبا بالتسجيل الصوتى لكامل الحوار

الاخطاء اللغوية يرجى مراجعتها
المادة التى تزيد نسبة الاخطاء اللغوية فيها عن 50 % لن تنشر




و سواء استلمنا المواد أو لأ هنعمل المجلة فى النهاية

بسم الله الرحمن الرحيم


السلام عليكم جميعاً:


أولا: أسمح لى أستاذ محمد أن أستفسر وأرد على حضرتك خطوة خطوة لدقة وأهمية الأمر

اقتباس :

موضوع ترجمة المجلة
و ممكن نرسلها لجروبات اسلامية عالمية امريكية على الفيس بوك
لكن تعالى نفكر بصوانا شايف ان دى خطوة محتاجة تأنى و دراسة شوية
ليه ؟
لأن الفكرة مش مجرد ترجمة محتوى
الفكرة هى المحتوى موجه لمن ؟
بمعنى
ان فى مجلتنا الجمهور المستهدف هو العرب و المصريين و المسلمين مثلا
فلو ترجمنا المحتوى كما هو و ارسلناه لجمهور مختلف سيجد انه ليس مهتم بها

طبعا رأى حضرتك كله صواب مشكور عليه جدا

اقتباس :

هى الفكرة ممكن نطورها اننا نعمل
طبعة عالمية من المجلة
و حضرتك تكونى المشرف عليه طبعا
فكرى فى الموضوع و ادرسيه
لأنك غالبا هتبقى رئيسة تحرير تنفيذية للطبعة العالمية و دى حاجة مش سهلة بالتأكيد

طبعا الفكرة ليست رائعة فقط بل أكثر من رائعة ولكن حضرتك لاتحدثنى عن مقالة فقط بل عن مجلة قد تكون شهرية أو سنوية أو حتى أسبوعيه ومقالات وتحقيقات وحقائق

مبدئيا وفى بادئ الأمر لا يمنعنى شئ من فعل هذا الخير الذى سيعم على وعلى الأمة الإسلامية بالخير بإذن الله ولكن طبعا لى إستفسارات عديدة جدا قبل لما أصدر قرارى النهائى فى هذه المجلة لأنها لن يقرأها ناس عاديين بل كل كلمة منها يمكن أن تكون سببا فى دخول أشخاص فى الإسلام وهذا هو المرجو منها مع تعليم كل من كان ما هو الإسلام وسماحتة فليس قرارا سهلا وبعد أن أستفسر من حضرتك على كل شئ سأعطيك بإذن الله قرارى النهائى

اقتباس :

حاليا لو عند حضرتك استعداد تعملى قسم فى المجلة عبارة عن تلخيص و عرض سريع لأهم ما جاء فى الصحافة العالمية خلال الاسبوعين الماضيين
بالذات فى شق المقالات اكثر من الاخبار
هيكون ده شيء رائع جدا
أو اى موضوع مناسب تترجميه
مستنى منك - اذا وافقتى - الموضوع و المادة اللى ناوية تنشريها على الايميل فى اليومين الجايين

طبعا ده شئ يسعدنى جدا جدا لو عند حضرتك المقالات ممكن تبعئها لى وأنا أقوم بالترجمة ولو مفيش شئ عند حضرتك أخبرنى وسأفعل ما بوسعى لجمع الأشياء بسرعة للعرض سريعا ثم سأتابع مع حضرتك أشبوعيا الصحافة العالمية وأقوم بترجمتها بإذن الله

أتمنى أن لم أطيل على حضرتك ولكن ليس إلا لأهمية الموضوع ودقته

اقتباس :

طبعا الفكرة ليست رائعة فقط بل أكثر من رائعة ولكن
حضرتك لاتحدثنى عن مقالة فقط بل عن مجلة قد تكون شهرية أو سنوية أو حتى
أسبوعيه ومقالات وتحقيقات وحقائق

أكيد لكن متقلقيش حضرتك مش هتكوني لوحدك
و قريب جدا ممكن نعمل اجتماع يشمل الاعضاء الاكثر نشاطا فى ازهري بلا حدود و القادرين على حضور الاجتماع
و يكون ممكن فى مقر القناة نفسها
و ساعتها ممكن نتناقش مع اكثر من اخ و اخت فى الفريق و ننسق الافكار

اقتباس :

مبدئيا وفى بادئ الأمر لا يمنعنى
شئ من فعل هذا الخير الذى سيعم على وعلى الأمة الإسلامية بالخير بإذن الله
ولكن طبعا لى إستفسارات عديدة جدا قبل لما أصدر قرارى النهائى فى هذه
المجلة لأنها لن يقرأها ناس عاديين بل كل كلمة منها يمكن أن تكون سببا فى
دخول أشخاص فى الإسلام وهذا هو المرجو منها مع تعليم كل من كان ما هو
الإسلام وسماحتة فليس قرارا سهلا وبعد أن أستفسر من حضرتك على كل شئ
سأعطيك بإذن الله قرارى النهائى

طيب هو حضرتك ما ذكرتيش استفساراتك العديدة عن ايه ؟

اقتباس :

طبعا ده شئ يسعدنى جدا جدا لو عند حضرتك المقالات
ممكن تبعئها لى وأنا أقوم بالترجمة ولو مفيش شئ عند حضرتك أخبرنى وسأفعل
ما بوسعى لجمع الأشياء بسرعة للعرض سريعا ثم سأتابع مع حضرتك أشبوعيا
الصحافة العالمية وأقوم بترجمتها بإذن الله

لا انا افضل ان حضرتك تختاري علشان انا بخاف ابعت شغل تقيل
افضل حضرتك تختاري موضوع او موضوعين مناسبين و جذابين
و تقولي الفكرة
و احنا نشوف و نتشاور هل هتكون مميزة و جديدة و لا لأ ؟
و بعد كده تبدأي الترجمة على بركة الله

اقتباس :

أتمنى أن لم أطيل على حضرتك ولكن ليس إلا لأهمية الموضوع ودقته

ده انا اللى اسف للتأخير و لكن ده كان لظروف تنسيق الاجتماع مع الاخوة فى قناة ازهري
و جزاك الله خيرا اخت نيرة
و فى انتظار اسئلتك

طيب النهاردة الثلاثاء

و استقرينا على التالى

موضوع للاخ محمود الحسانى
و موضوع للأخت أميرة اجتماعي
و الاخت حنان الخبيري اتأخرت علينا للأسف بس انا اتناقشت معاها مسينجر و اتفقنا مبدئيا على انها عندها وقت متاح اطول لأنها هتعد قسم كامل
فإحنا هنعمل باقى المجلة فى انتظار انها فى نفس الوقت تنهي قسمها ان شاء الله
و مستنيين افكارها و المواد اللى هتبعتها فى ايميل ان شاء الله

اثنين اتأخروا علينا و ما ارسلوش اى رد او استجابة حتى الان
وهم الأخ على الشمالى
و الاخت ديرو

و انا من جهتي طالما لسه ما ارسلوش رد على اخر رد كتبته لهم
يبقى هأعتبر ده انشغال منهم و انا هاقدر ده و مش هنضغط عليهم

لكن آخر آخر موعد هو بكرة
و لو ما استلمتش رد او تعقيب او ايميل يوضح او يطلب تأجيل لوقت محدد
ساعتها هنضطر نبدأ فى اعدادت و تجهيز الموضوعات بدونهم فى العدد ده
علشان مش عاوزين نتأخر اكتر من كده