بدون احراج
شعرت بالصدمة وانا اشاهد برنامج ابيض واسود الذى يعرض على القناة الاولى ويقدمه الفنان مصطفى فهمى وفى تلك الحلقة كان يستضيف الدكتورة هبة قطب وطبعا مش صدمتى استضافة الدكتورة هيه قطب لاء طبعا لانى بحترمها وبحب ارائها ومقتنعه ان الثقافة الجنسية علم زى كل العلوم لازم نعرفه ونتعلمه زى مابنتعلم احكام فقهيه لحياتنا وزى ما بنتعلم لغات وكمبيوتر لمستقبلنا برده الحياة الزوجية على درجة من الاهمية اللى للازم نتعلمها
اما ما اصابنى بالصدمة فهو موضوع الحلقة ومتى الانحطاط الاخلاقى والفساد الخلقى الذى اصبح مسيطر على عقول شبابنا عارفين الحلقة كانت بتتكلم عن ايه ؟ عن موضه جديدة موجودة وهى ان الشاب الراجل المحترم قبل ما يتزوج يقوم بسحب عروسته زى الشاطرة الى اقرب دكتور نساء للكشف عليها ليؤكد للمحروس انها لسه بكر !!!!!!!! لسة بكر (يعنى غشاء البكارة موجود ) شفتوا وصلنا لايه خلاص شرف البنت بقى معلق فى حتة جلده يعنى لو البنت عملت اللى مايعمل بس حفظت على حتة الجلده دى تبقى خلاص شريفة ومتلمستش بأى منطق ولا بأى نخوة رجولة ده بيحصل
وليا سؤال للشاب اللى مقتنع بالتقليعة دى ايه اللى وصلك لكده ؟ طبعا من اللى عملته فى بنات الناس ونوعية البنات اللى شفتها فى الديسكوا ولا المول ولا الشارع كلهم خلوك تفتكر ان مفيش بنت محترمة ؟ يبقى العبيب مش فى البنات لاء العيب فيك انت لانك مبتعرفش واسفة فى اللفظ غيرالمنحطات لكن المحترمات انت اساسا متعرفش هما موجودين فين ؟
ونظرا لمقوله مصائب قوم عند قوم فوائد فالصين كعادتها استفادة من الموضوع ده وعملت ايه ؟ غشاء بكارة صينى يعنى البنت من دول تلف ودور والصين تحل المشكلة والبيه زى الشاطر ياخد على ...... كملوها انتم
ادى اخر الانحطاط الاخلاقى والدينى اللى وصلناله ومعرفش مين المستفيد من ده لكن الحكم على طهارة البنت بحاجة زى غشاء البكارة فيه سطحية لاسم الطهارة والعفة لانهم افعال واخلاق قبل ما يكونوا حاجة تانيه فاتقوا الله ياشباب فى بنات الناس عشان ربنا يكرمكم بالزوجه العفيفة الطاهرة ومتحتاجوش لدكتور يقولكم انها شريفة
الرئيسية 
