اه يا بلد
اه يا بلد جايا على المظلوم ونسيتى الظالم
علقت المشانق والمذابح ونسيتى مين الفاعل
بتلومى اللى هجروا.... اللى باعوا القضية واشتروا لقمة العيش
وهى فين القضية ... مين اللى باع ... مين اللى نسى دم الشهداء
مين اللى قال يالا سلام ... مين اللى فتح الاسواق لمنتجات الاعداء
مين اللى خلى ليهم جاليه فى قاهرة المعز
مين اللى ساب معابدهم واثارهم وفتحلهم الاسواق مين يابلد
بتحكمى شباب ضايع باع الدين والوطن
مين اللى بيعوه دينه مين اللى حجر على الشيوخ والعلماء
مين اللى حرم ظهور الفنانات المحجبات وفتح الابواب السافرات
مين اللى منع الندوات والمؤتمرات
وجايين تقولوا باعوا الدين هو فين الدين
اما الوطن فده راح فى خبر كان راح مع ذكرى حلوة لحرب اكتوبر وتضحيات الشهداء
راح مع البطالة والعنوسة وكثرة المخدرات
راح مع الخيم الرمضانية ومحلات النت والكفيهات
راح وضاع لما راح الامان والاطمئنان
راح مع الغلو وزيادة الاسعار
راح راح راح كله راح الدين راح والوطن راح
وبعد ده كله بتعلقوا المشانق للشباب
اه يابلد جايا على المظلوم ونسيتى الظالم ............................. اه يابلد ملكيش رادع 
الرئيسية 
