يلا يا حلوين اللى هيجاوب على الاسئلة السهلة دى له هدية
س1 : كام واحد من اللى كانوا فى المظاهرات بيدخن ؟
س2 : كام واحد من اللى كانوا فى المظاهرات عاق لوالديه ؟
س3 : كام زوج من اللى كانوا فى المظاهرات مبيحترمش زوجته وبيعاملها بسوء وتعنت ؟
س4 : كام اب من اللى كانوا فى المظاهرات ميعرفش حاجة عن ولاده ولا مشاكلهم ؟
س5 : كام بنت من اللى كانوا فى المظاهرات غير محتشمة فى لبسها مما يستفز الشباب ؟
س6 : كام شاب من اللى كانوا فى المظاهرات بيعاكس البنات فى الشارع وبيغلس عليهم ؟
س7: كام واحد منهم رمى كانزات ومناديل فى الشارع من طول الوقفة ؟
س 8 : كام فلاح منهم باع ارضه عشان فلوس زيادة ؟
س 9 : كام مدرس منهم بيدى دروس خصوصية ناحلة وبر الاهالى ؟
س 10 : كام دكتور منهم غلط وهو بيعالج مريض واهمل ؟
س 11 : كام محامى منهم استنفذ فلوس موكله ؟
س 12 : كام فنان منهم قدم عمل خادش للحياء ؟
س 13 : كام سيدة من اللى نزلوا المظاهرات اتشغلت بوظيفتها واعمالها الخيرية والاجتماعية ؟
اسئلة سهلة مش كده وفى غيرها كتير
طب انا عايزة الاجابة ليه ..... ببساطة عشان اخد انا كمان حقى
اخد حقى من المدخن فى انى اتنفس هواء نظيف وصحى وحق ولاده فى ان يكون ليهم قدوة حسنة فى والدهم وانهم يكبروا فى جو صحى
اخد حق كل اب وكل ام ابنهم بيعقهم بعد ما كبروه وربوه
اخد حق كل زوجه فى عيشة تسودها المودة والرحمة وان تجد السكن والامان مع زوجها سندها اللى سلمتله نفسها بكلمة الله وميثاقه
اخد حق كل ولد محتاج لاب يرعاه ويحتويه وميبقاش ابوه مجرد بنك يموله فقط دون رعاية وتربية
اخد حق كل شاب نفسه يتعف ويمشى على الصراط المستقيم لكن ما يراه من الفتيات وتبرجهم لا يساعده ويستفز مشاعره مما يدفعه لعمل مالا يليق ولا يرضاه
اخد حق كل بنت فى انها تمشى فى الشارع مطمئنة أمنه مش خايفة من تحرش ولا من غلاسة شباب وانها تحس ان كل شاب هو اخ يحميها ويخاف عليها
اخد حقى فى انى امشى فى شارع نظيف اخد حق عامل النظافة فى انه يؤدى عمله بكل سهولة ويسر مش بالبهدلة واللا مبالاة من الناس
اخد حق الشعب فى انه ياكل من خير بلده بدل ما نشحت اكلنا من كل حته شوية
اخد حق التلاميذ فى انهم يتعلموا دون تكلفة ترهق كاهل والده واخد حق المدرس نفسه من ان ابنائه يتعلمون دون ان يرهق ماديا
اخد حق كل مريض فى العلاج وان يضع ثقته فى الطبيب دون الخوف من انه بيضحك عليه او بيستغله وان تشخيصه هو الصواب دون الدوران على ابواب الاطباء لمعرفة التشخيص الصحيح
اخد حق كل مواطن فى ان يثق فى المحامى الموكل بشئونه دون الخوف من استغلاله وانعدام ضميره مما قد يوصله الى السجن والضياع لانعدام ضمير المحامى
اخد حقى فى مشاهدة فن هادف يمتعنى دون الخوف من مشاهد تجرح مشاعرى او تؤذى عينى وتغضب ربى
اخد حق كل طفل حرم من حضن امه واهتمامها كل بنت لم تجد صدر حنين تشكى اليه مشاعرها وهمومها مما دفعها للبحث عنه فى الخارج
[نزول المتظاهرين للمطالبة بحقوقهم شئ مشروع ومشرف لكن هل قاموا بأداء ما عليهم من واجبات قبل المطالبة بما لهم من حقوق ]
قال عليه الصلاة والسلام ( لا تشغلوا انفسكم بالدعاء على ملوككم وانما اشغلوها بطاعة الله فإن القلوب بين اصبعيه فإن اطعتموه قلب قلوب حكامكم وملوككم اليكم وإن عصيتموه سلطهم عليكم ) او كما قال عليه الصلاة والسلام
اداء الواجبات من الطاعات والعبادات والمطالبه بالحقوق من المشروعات فلما نشغل بالمشروعات عن الواجبات ]
صحيح هتقولوا فين الهدية الهديه اننا لما نبطل تدخين هنوفر ملايين الجنيهات اللى بتتصرف على شراء التبغ والعلاج منه
لما ننظف شوارعنا هنوفر الفلوس اللى بيتحججوا انها بتتصرف لشركات النظافة
لما المدرس يشرح بضمير هنوفر الملايين التى تدفع للدروس الخصوصية
لما الاب والام يؤدوا دورهم هنحمى شبابنا من المخدرات والصحوبية والزواج العرفى وانحطات الاخلاق
لما الفن يقوم بدوره فى شحذ الهمم وغرس القيم ساعتها هنام واحنا مش خايفيين
[لما لما لما حاجات كتير لو صلحنا فى انفسنا لتم اصلاح مجتمعنا وبلدنا لوفرنا الملايين واتاحنا فرص العمل للكثيرين وعفينا البنات وزوجنا الشباب ولقضينا على الفساد
ياريت بجد يكون شعارنا ابتدى بنفسك يمكن ساعتها يكون لينا عين نتطالب غيرنا
الرئيسية 
