هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخول  

 

 مش فرحانة

اذهب الى الأسفل 
كاتب الموضوعرسالة
amiras
أزهرى 6
أزهرى 6
amiras


عدد المساهمات : 582
ترمومتر المستوى : 6576
تاريخ التسجيل : 25/01/2010
العمر : 43
الموقع : amiras على الفيس بوك

مش فرحانة  Empty
مُساهمةموضوع: مش فرحانة    مش فرحانة  Emptyالثلاثاء فبراير 08, 2011 1:11 am

25 يناير يوم فاصل فى تاريخ مصر بل لا ابالغ ان قلت فى تاريخ العالم اجمع العربى والغربى وهذا ان دل فيدل على مكانة مصر وتاريخها وقيمتها

وفرح الجميع بما حققه هؤلاء الشباب العظماء الذين قاموا بتلك الانتفاضة ضد الظلم والفساد ورغم اعتراضى على فكرة قيام المظاهرات والتجمعات لما يمكن ان يحدث من تواجد عناصر الشغب والبلطجة داخل تلك التجمعات دون علم اصحابها الا انه لا يمكن انكار ما فعلوه من انجاز وتغيير لم نكن نحلم به ولا يخطر لنا على بال لكنى رغم هذا الانجاز مش فرحانه

مش فرحانة وانا شايفة الشباب اللى زى الورد اللى استشهدوا مش فرحانة وانا شايفه حرقة قلب اهاليهم عليهم مش فرحانة واحنا بنحمل وزارة الداخلية السبب وبتعفى انفسنا منها عارفة انكم هتثوروا عليا لكن دم الشهداء اللى استشهدوا يوم الجمعة واللى سمى بيوم الغضب فى رقبة كل من دعا الى هذا اليوم فى رقبة من قام بتصميم اللوجو المستفذ بتاع جمعة الغضب والذى اوحى للجميع بأنه سيكون يوم مذبحة وتناسى هؤلاء الداعين ما تعونا عليه من تحفظ الامن لاى تجمعات وخصوصا لو تجمعات توحى بإضطرابات ولم يروا فى حياتهم ما يفعله الامن مع جماهير مباريات كرة القدم عند خروجهم من المدرجات ومحاولة هؤلاء الجماهير للتجمع والتخريب انا ساكنة بجوار الاستاذ وبشوف مهازل فى المباريات واخرها مباراة الاهلى والاسماعيلى وفيها الجماهير قاموا بلعب كرة القدم بسيارة فيورا انا لاابالغ فعلا لعبوا بها الكرة وما كان من الامن الا ان قام بإلقاء قنابل مسيلة للدموع لتفريقهم انا لا ادافع عن الامن او ما فعلوه لان ما فعلوه جريمة لكن ايضا لا نتجاهل ان هذا تعامل مع التجمعات دون النظر الى نوعية التجمع لان اى تجمع من وجهة نظرهم خطر على الامن ومقر المشاغبين والبلطجية فإذا كان هذا تعاملهم مع جماهير كرة قدم فما بالكم وانتم تدعون الى تجمع يدعى يوم الغضب هيكون تعاملهم معكم ازاى فلا تزايدوا على رجال الامن الخاطئين المدانيين وتعتقدوا ان دم الشهداء فى رقبتهم فقط بل فى رقبتكم انتم ايضا لانكم لم تتعاملوا بحكمة ولانكم لم تدرسوا طبيعة رد الفعل الذى سيواجهكم ولم تخططوا لحماية من استسلم لدعوتكم كما هى فى رقبة حبيب العادلى

مش فرحانة وانا شايفة تعنت الشباب فى ميدان التحرير واصرارهم على موقفهم رغم تعرض البلد لازمة حقيقية مش فرحانة وانا شايفاهم غير قادرين على ايجاد ممثلين لهم وكلما يخرج منهم وفد يخرج الباقى ليقول هؤلاء لا يمثلونا حتى الوفود التى جلست مع النائب عمر سليمان برضوا قالوا عنهم هم لا يمثلونا طب مين بيمثلكم وزى مقال كابتن ميدو ( إن كان هؤلاء الشباب غير قادرين على اختيار من يمثلهم يبقوا بيلعبوا )
مش فرحانة وانا بسمع الفنانة سماح انور وهى بتقول ( قلت لشاب لو مبارك ساب الحكم بكرة هتسيب التحرير قالها لاء ) طب نفسر ده بإيه

مش فرحانة وانا شايفة نبرات الغرور بدأت تدب فى هؤلاء الشباب وفى طريقة حوارهم وان كلامهم يجب ان يسمع ويجاب كأنهم اصبحوا هم الامر الناهى وما اكبر خوفى من هذا الغرور والذى قد يؤدى الى فشل صاحبه وفشل اهدافه

مش فرحانة من وقف حال الناس البسطاء اللى بيجيبوا قوت يومهم يوم بيوم مش فرحانة وان عدد العاطلين عن العمل زادوا ألوفات بعد هذه الاحداث مش فرحانة وانا شايفة ان اللى بيدفع الثمن اللى طول عمره دافع الثمن

مش فرحانة وانا بتفرج على اخبارنا على شاشات الفضائيات واننا اصبحنا حديث العالم اجمع واننا بقينا لبانة على كل لسان والكل بيتدخل فى شئونا وبيتكلم كأنه صاحب الامر والنهى بعد ان كنا اصحاب مشورة ورأى

مش فرحانة وانا شايفة رمز البلد يهان رغم اعتراضنا على سياسته ورغم الفساد والظلم اللى شارك فيه إما بجهله او تهاونه لكنه سيظل رمز مصر امام العالم سيظل بطل من ابطال اكتوبر سيظل مبارك الذى رفع العلم المصرى على ارض طابا

مش فرحانة وهفضل مش فرحانة لان النظرة السوداء التى اصبحت فى عينى وانا انظر الى المستقبل وانا أرى صراع الاحزاب وكل من هب ودب على السلطة جعلنى اخاف واقلق وانا اشاهد ان مصر اصبحت تورتة كل واحد يريد قطعة منها

مش فرحانة يا بلدى وحزينة وقلقانة
ربنا يحميكى يا بلدى ويحمى شبابك اللى خرجوا يحموكى يحمى وحدتنا اللى بانت فى التحرير المسلم بجوار المسيحي المتبرجة بجانب المنقبة يحمى وطنيتنا يحمى مصر

ربنا يرحم الشباب الشهداء اللى استشهدوا اما بغباء الامن الذى بنفذ دون تفكير او بغدر الهجانة والجمال والبلطجية ربنا يرحمهم ويسكنهم فسيح جناته ويلهم اهلهم الصبر والسلوان
الرجوع الى أعلى الصفحة اذهب الى الأسفل
https://www.facebook.com/profile.php?ref=name&amp
 
مش فرحانة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: * الأقسام العامة-
انتقل الى: