فرح بطعم الحزن...... وعجبى

بسم الله الرحمن الحريم
السلام عليكم ورحمه الله وبركاته
الحمد لله حمداً حمده به الأنبياء والأولياء والعباد الصالحون
والصلاة والتسليم على أنبياء الله و رسله أجمعين ، بالأخص خاتمهم وأفضلهم
محمد المصطفى وأهل بيته الذين طهرهم و أذهب عنهم الرجس و جعلهم القدوة
للناس إلى يوم الدين...ويعد
نصر وفرحه ولكن بطعم الحزن:
هذه هى حال امتنا العربيه مازال يطغوا عليها الجهل وعدم الوعى وعدم الادراك لحال مجتمهم ودينهم وحق الحياه عليهم
من منا لم يشاهد المباره الشهيره مصر *الجزائر نعم مصر ربحت اليوم ومن منا لم يفرح بس لهذه الدرجه هل وصلنا الى هذه الدرجه من الدنو الفكرى
فاصبح ماتش كوره هو الى يجمعنا ويفرحنا ونتخانق ونتصالح على ماتش كوره!!!! ماتش كوره يجعل الشعب المصرى يرقص فى الشوارع وتعلو المزامير ويوقف الشوارع وتمنع السيارات من السير لا حول ولا قوه الا بالله اهذا هو فكر شباب هذه الامه هذا هو مستقبل الامه وعلى ايه كل هذا اكيد كلنا شاهدنا هذه الفرحه فى الشوارع (هم يضحك وهم يبكى) نعم هؤلاء هم شباب المستقبل الباهر لبلدنا والرئيس يتصل بالبعثه المصريه ويهنئها على فوزها ويتمنلهم الفوز هههههههههه !!!! بقى الرئيس بجلاله قدره بيتابع ماتش كوره الله يرحمك يا عمر يابن الخطاب كان يبكى طوال الليل خوفا على شى يعوق دبه فى طريقها لاحول ولا قوه الا بالله بقت الكوره مصدر السعاده والغنى (الفلوس) على قفا ... شعب طيب غلبان
والسؤال هنا هل هذه هيا هدف الحكومه (امنا) ان يكون هم وهدف شعب باكلمه هو ماتش كوره لتدارى فضايحها ويقولوا العيب فى التعليم وعايزين نخلق جيل مفكر مبدع وامتحانات قدرات بالله عليكوا ارحمونااااا
الى متى سنظل مكتوفى الايدى والشباب كل مدى عمال ينهار ما بين مخدرات وملهيات ده المحترم دلوقتى بيشرب سجاير الا من رحم ربى يااه لو كل الفرح والطاقه دى على احتجاج على معانة الفلسطنين لكن لا احنا ذنبنا ايه احنا ياما عملنا ليهم ده احنا اكتر دوله بنساعدهم الله يرحم عمر ابن عبد العزيز وعمر ابن الخطاب ده جيش اسلامى كامل ذهب لمعركه بسبب خدش حياء امراءه الى متى يا شباب الى متى يا مستقبل المسلمين لابد من التحرك اليس يكفينا ذلك التدهور الفكرى و الاجتماعى لو كل شاب منا بدا بنفسه اكيد اكيد ان شاء الله هنتحسن انا لست ادعى الى ثورات وخناق الكلام عدى وقته دلوقتى وقت العمل
الان كل لعيب كوره ياخد 3 و 4 مليون فى ماتش والشباب بيعانى وبيزعل ويتحرق دمه عليهم لا اله الا الله
لا والفضيحه الكبرى ده احنا عندنا الفن اصبح الان الفن مصدر للتفاخر اصبح الفن المربح (اثاره الشباب )ولا حول ولا قوه الا بالله والهدف دى رساله بنقدمها للناس ... يارب .... حقا زمن الفتن
هل يستجيب هؤالاء الشباب لهذا ...... نعم للاسف فاذا لم ستجب الشباب لما وصل هذا الكم من الفنانين الله يهديهم ولما وصلت هذه الحقاره فى الافلام ولما وصلت السينما مصدر الفلوس والان للاسف طموح الطفل ان يصبح ممثلا .... لاعيب كوره لا حول الله يارب
اما اذا تكلمت عن مصر فلابد ان تتكلم عن الفراعنه .. فاين هى مصر الان الفراعنه كانوا مثل للنجاح فى عصرهم واحنا مثل للفشل فى عصرنا لكن لا اريد ان اكون متشائم فى شباب عاقل وناجح بس قله
فلابد ان نصحوا الان اقل دوله اوربيه احسن منا الاف المرات هل هما اشد منا ذكاء لا والله بل نحن شعب متواكل غير طموح كل حياته ملهيات لابد ان يبدا كل شاب فى النهوض لنلحق ولو باخر الركب حتى لا ياتى علينا زمن يكون فاتنا ولا نستطيع الحاق به
لابد ان يدرك كل منا لماذا خق وان يعى حقوق دينه عليه
وان يصر كل منا على ان يترك بصمته فى هذه الدنيا قبل ان يفراقها وان يتخذ الرسول مثله الاعلى للاصرار والعمل وان يرجع الى ربه مولاه فهو المنقذ حيث قال الله تعالى (ظهر الفساد فى البر والبحر بما كسبت ايدى الناس )
ولابد كل منا ان يفعل مافى استطعته لشد هؤلاء الشباب من التيار الجارف الى الضلال
ولابد كل منا ان يجعل هدفه نصب عينيه وان يكرس حياته لتحقيقه وان نحب ديننا وبلدنا الحب الحق لا ماتش كوره وبعدين نسب ونلعن فيها
واخيرا ان ندعى لهؤلاء الشباب بالصحوه والانقاذ وان نعى ماذا تريد منا الحكومه الطيبه !!عن أبي سعيد الخدري رضي الله عنه قال :
سمعت رسول الله صلى الله عليه وسلم يقول : ( من رأى
منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ،
وذلك أضعف الإيمان ) رواه مسلم
وفي خاتمة هذا المقال أذكر نفسي وغيري بقوله سبحانه وتعالى:
( من كان يرجو لقاء ربه فليعمل عملا صالحا ولايشرك بعباده ربه احدا )
[ الكهف: 110 ]. ألا فلنعمل الصالحات ونجتنب الفواحش والموبقات ليرضى عنا
رب الأرض والسماوات.
فقد رأينا كيف تكون عاقبة البعد عن الله وارتياد الطرق المعوجة
المشبوهة، والعتو عن أمر الله سبحانه، وسوء الخاتمة والعذاب الأليم لمن كان
هذا شأنه.
( وكئين من قريه عتت عتت عن امر ربها ورسله فحاسبناها حسابا شديدا وعذبناها عذابا نكرا فذاقت وبال امرها وكان عاقبه امرها خسرا )
[ الطلاق: 8 - 9 ].
فمن رجى رحمة ربه فإليه يعود، فباب رحمته مفتوح
غير موصود، وليكن سعيه من بعد حميدا، وفعله رشيدا، وقوله سديدا.
فإذا كان هذا حالنا رفع الله عنا الذل والضنى، والوبا والخنا، وصب علينا
البركات صبا، ولم يجعل عيشنا كدا، وكان لنا نصيرا وسندا. وبعد..

فهذا جهد المقل وبضاعته المزجاة، قصدت به وجه الإله، ثم النصح لمن كانت
الفاحشة بلواه، والتنبيه لمن عافاه مولاه.
سائلا مولاي وخالقي أن يسدد قصدي، وينفعني به ومن بعدي، والباب مفتوح
والصدر مشروح، لمن أراد أن يصحح خطأ، أو يقدم خيرا، وأفضلهم عندي من أهدى
إلي عيبي.

ولقد ختمت بذا الختام مقالتى .... وعلى الاله توكلى وثنائى
ان كان توفيق فمن رب الورى .... والعجز للشيطان والاهواء
فى حينها ادعو الذى بدعائه ..... يمحو الخطا ويزيد العماء
سبحانك اللهم ثم بحمدك ...... استغر واتوب من اخطائى

احمد كلامك جميل جدا وعندك حق فى كله تقريبا بس انا عايزاك تهون على نفسك شوية على فكره انا ماليش فى الكورة خالص وبزعل جدا زيك لما بلاقى الناس بتتخانق وتتعصب لكن حقيقى اما الماتش بيكون للمنتخب فانا بشجع وجامد قوى كمان ولو كنت ولد كنت نزلت شاركت فى الفرحة دى تعالى نشوف الموضوع بسلبياته وايجابياته ونحاول نلاقى حلول ومبررات جيدة
اولا :الكورة لعبة جميلة بيلعبها كل العالم اطفال وشباب وصغاروكبار وهى رياضة شعبية من الدرجة الاولى فى كل العالم
ثانيا احساسك ايه لما بتشوف اللعيبة بتسجد بعد احراز الهدف ويسمى الفريق بفريق الساجدين وان تعلم بانهم يمتازون باخلاق حميدة يرىالعالم من خلالهم اننا مسلمين نحب الله ونراه ونشكره دائما ثالثا : منذ القدم ولعبة كرة القدم من الالعاب الشهيرة وتقام فيها المسابقات وهىمن اللعب المباح او اللهوالمباح على الا يحدث هناك مغالاة
رابعا:من خلال هذه المباريات نستطيع ان نتعرف على الكثير من الشعوب وصفاتها ونعطىدعاية جيدة عن انفسنا وعلى فكرة احنا احسن شعب ينتجمع وطيب وجميل بس يلاقى ايدين تتمد له بحب وامل امال احنابنينا الاهرام ازاى بحب وفكر وايمان وعقيدة
خامسا : كل الحكاية اننا ننظم فرحتنا يعى مثلا احنا عارفين احتمال الفوز موجود يبقى لازم نحدد اماكن للاحتفال (ساحات محددة) وكمان الناس ما تسيبش العربات مركونة فى الشارع احتياطى تركنها فى الجراجات والساحات والشوارع الجانبية مثلا ..........وهكذا
سادسا لازم يكون فيه حملات للتوعيه بالتصرف السليم والمقبول واللا تترك الاشياء للظروف
سا بعا :والاهم هو انت طبعا تقدر تساهم فى التغيير ونبدأ مثلا بحبك للكيمياء ياترى نفسك تعمل ايه ايه رأيك فى حل ازمة قد نكون نعانى منها مثل ازمة الاسمدة مثلا للزراعة قد تجدلها حلا او تكتشف لنا وسيلة للدفاع ضد القنابل الكيميائية والجرثومية ووووووووووووووو مع زملائك ونستعين بمتخصصين لتوجيهكم وامدادكم بالموسوعات وماالى ذلك ويتجمع حول هدف جميل اخ وهكذا وان فىانتظار ردك وكل اللى بتفكر فيه ولكن الاهم دلوقت المذاكرة علشان نقدر نحقق امالنا واهدافنا عن قوة واخيرا انا سعيدةبك جدا وبجد وياريت يكون موضوعك دة فى منتدىالاسرة المسلمة علشان نتحاور كلنا فى كل الاهتمامات باسلوب رقيق وداعم وحميمى ننتمى فيه جميعنا لبعضنا اشكرك يا احمد كثير كثير

[size=24]

اولا يا احمد شكرا على موضوعك وحرقتك على الشباب وحالهم وحال الامة بس متزعلش منى معجبنيش اسلوب السخرية اولا من القيادة فمهما كانت سلبيات القيادة دى ففى الاخر دى قيادتنا ودى السلطة اللى على الاقل بتوفرلنا الامن اللى محروم منه الكثيرين انا مبدافعش عن اخطأهم بس على الاقل مبنكرش افضلهم وبعدين يا أحمد لما احنا جوا بلد واحد منحترمش بعض يبقى بنزعل ليه لما العالم مبيحترمناش ياريت تنظر بأنصاف شوية

ثانيا انا مع ماما حنان فى كل اللى قلته انا فرحت لفوز الفريق ودعيت ربنا انه يفوز وسجدت شكر لله ومش هتكسف انى اقول انى بستغل كل مايجى ماتش واشوف الحضرى وهو بيدعى ربنا وبيرفع ايده للسماء ولما اشوف اللعيبة بيسجدوا انى اقول لشخص من علتى للاسف مبيصليش شفت ربنا بيوفقهم عشان بيعرفوه وبيسجدولوا صدقنى يا احمد احنا فخورين بفريق الساجدين وبمجوداتهم فى الخير وتبرعاتهم وربنا يرزقهم مش 4 مليون لا 10 مليون ويزيد من ايمانهم لان صدقنى هما بقوا قدوة لشباب كتير ولو مكنوش قدوة مكنتش بعض الجرائد تتهج عليهم وتتريق ان حسن شحاته عايز المتدينين بس فى الفريق

ثالثا مش لازم نستنى حد عشان ننهض ببلادنا وزى مقالت ماما حنان انت موهوب نمى موهبتك اجتهد وصدقنى لو كل واحد فينا اجتهد وعمل اللى عليه بزمة واخلاص هنوصل للى عيزينه

واخيرا مبروك لمنتخب مصر ويارب ترجعولنا بالكاس

[/size

]

اولا شكرا على اهتمامكم بالموضع
ثانيا انا احب اوضح وجهه نظرى لو تكلمنا فى شئ واقعى هل منتخبنا احسن منتخب فى العالم لا طبعا هل احنا كل لعبتنا احسن لاعيبه فى العالم لا طبعا هل احنا بنتساوى مع المتخبات الاوربيه لا طبعا طيب هل احد من هذه الدول محتاج لمجهودتنا تقريبا لا احنا بنصدر ايه ؟؟؟؟؟ احنا بنتسورد بكام؟؟؟؟ هل نحن معندناش قوى عامله لا طبعا احنا عندنا الكثير والكثير بل وعندنا اذكياء بس يا خساره مش بيفدونا احنا
تقدروا تقولولى احمد زويل عمل ايه لمصر غير انو اسمه مصرى وغيره وغيره للاسف اخرج من بلدك عشان تنجح الاستاذ ابرهيم الفقى عشان ينجح سافر كندا الاستاذ عمرو خالد لما بدأ فى تحريك الشباب والتحدث بواقعيه ليس فى الدين فقط ولكن كان بيحثهم على العمل والمشورعات وتنميه التفكير
كان ايه مصيره ..... مطرود من بلاده نفكر بواقعيه
لماذا لم نطرد فنان حقير عشان ادوله عايزه كده تلهى تفكير الشعب عشان تشوف مصالحها
دى شركه نايك الامريكيه وهى شركه احذيه بتدفع 350 مليون للعيب عشان يلبس الحذاء فقط ويطلع للاعلانات فماذا عن الارادات اكيد اضعاف اضعاف ما بتصرفه ودى شركه احذيه
شركه السيارات الوحيده الى كانت عندنا شركه النصر لو احد يتذكرها ماذا عنها اتقفلت واتقسمت لعده شركات وخلاص مفيش تصنيع الان خلاص كله تجميع
انا مش بعترض على ماتش على فكره انا كنت بشجع واقوم واهيص واتنطت وازعق بس انتهى الماتش خلاص ندى كل حاجه حجمها
ممكن تقولوى كل الاغانى الوطنيه دى عشان ماتش كوره عمروكوا سمعتوا اسبانيا ولا فرنسا ولا ايطاليا وهما فرقهم عملوا انجازات اكتر مننا بكتير عملوا ربع الى احنا عاملناه ده بجد حاجه تحزن شوفوا احنا بقينا ايه فى وسط العالم احنا مش عالم 3 احنا عالم عاشر
لو الحكومه تدى 3 ولا 4 مليون الى بتديهم للعيبه تديهم للشباب الى نفسوا يتزوج ولا يعملوا مشاريع لا ادى للعيبه عشان الشعب يتبسط
تقدروا تقولولى ايه الى عملته الحكومه لينا او لاولياء الامور بيشدوا فى شعورهم والناس ماشيه بتكلم نفسها
ممكن الى معاه مصاريف مش حاسس بده اوى بس لما بينزل ويشوف الناس فى الشوارع هيصعبوا على الكافر
دلوقتى فى جمعيات الرفق بالحيوان وللاسف احنا معندناش رفق بالانسان لازم نعترض بقى شويه لامتى هنفضل مستسلمين
اما عن التعليم فده مثل بسيط لسه لحد الان فى مسائل بيقولولك بدون استخدام الاله الحاسبه يا سبحان الله تقدروا تقولولى الاله الحاسبه والموبيل والكمبيوتر اخترعوا ليه
فقط عشان يسهل حاجه الانسان ويوفر الوقت والناس عماله تصنع وعايزه كل شئ يبقى اسهل واحنا لسه بنقول بدون استخدام الاله يا سبحان الله بقت العمليات الرياضيه بتم فى اجزاء من الثوانى واحنا لسه بنقول بدون استخدام الاله الحاسبه هنضيع دقايق بل ساعات فى ظل وجود اله اخترعت للمساعده يا سبحان الله شركه هونداى الشهيره اصلها شركه ادوات منزليه نعم ادوات منزليه وبعدين ذاد الربح عشان اهتموا واتقنوا المنتج قاموا فتحوا شركه لادوات الهندسه عملت ارباح هايله قاموا يفتحوا فرع كده للسيارات بقى ربع سيارات مصر هونداى احنا شعب مستهلك عشان راضى بحاله احنا الصناعات المشهورين بيها للاسف الفحم فرح بطعم الحزن...... وعجبى Icon_biggrin

الصلب

الكيماويات عشان للاسف احنا مش خايفين على صحه اولادنا يعنى اى دوله متقدرش تصنعهم عشان تلوث فتثتثمر هنا واحنا مبسوطين بالله عليكوا حد يبررلى هل معندناش مواد خام لا والله عندنا الكثير والكثير من الثروات الطبيعيه بنعمل بيها ايه بنصدرها ونرجع نشتريها هيا هيا بس تكنولوجيا او الات باضعاف اضعاف ما بنصدره ونرجع نقول الديون دى سياسه يا جماعه تقدروا تقولولى الحكومه ليه ساكته على كده عشان هيا عايزه كده الواحد يطلع عينه فى الشغل طول اليوم يرجع يلاقى الطريق زحمه يقوم يتعب من الطريق يدوبك الراجل يرجع بيته ياكل وينام وميفكرش فى اى حاجه يا سبحان الله الحكومه مش قادره تحل مشكله الزحام دى لا والله لو هنيجى للزحمه شوفوا الصين اضعاف عددنا ولكن شوفوا الطرق عندهم ما شاء الله عندهم الثوانى بفلوس بجد كفايه بقى لازم نفكر بواقعيه ممكن تقولولى كل واحد فينا ليه ساكت عشان مفيش فى ايده حاجه نبقى نشتغل بقى وكفايه تواكل بس كل واحد يعرف ويدرك ما بيصير حوليه ويعمل فى صمت حتى النجاح مش لازم ننتقض وبس لازم نفكر بقى كفايه انا كرهت التعليم بسبب التعقيد بجد مرعوب من الامتحانت بجد كفايه تعقيدات والوزير يطلع يقول الامتحان هيجى للطالب المتفوق وانا ايه الى عرفنى انى هعرف احل كل واحد ربنا مديلو ذكاء فى حاجه واحد فى الادب اذاى هيحل اسئله ذكاء كمياء واحد كمياء اذاى هيحل اسئله ذكاء عربى بجد كفايه اذاى هتطلع جيل متميز ليه احنا عفريت خارقين فى كل المجالات بجد كفايه وحرام واسف للاطاله بس ارجوكوا حد يوضحلى عشان انا ده الى فاهمه وده الى شايفه قدام عينى

ان قلتلك انى فاهمة حاجة من اللى بتحصل حواينا ابقى غلطانة بس انا مؤمنة بمثل بيقول من اعمالكم سلط عليكم وبعدين الحكومة اللى احنا كفرانين منها دى احنا مستوردنها ولا هى مننا احنا رحنا جبنا حكومة من الصين ولا دول مصريين زى وزيك يبقى العيب مش فى الحكومة العيب فينا احنا العيب فى الاخ اللى بيخاصم اخته ويقاطعها 10 سنين عشان مبعتلهوش نصبها فى بيت واديته لابن اختها العيب فى الزوج اللى مبيرحمش زوجته وبيطالبها انها تكون زوجة على سنجة 10 وام ل 4 ولاد افضل مايكون وتنزل تشترى طلبات البيت وطلباته هو الشخصية ويوم ما تتعب يقولها انا هتجوز عليكى العيب على الموظف اللى بيروح شغله وفاتح درجة عشان يتحطله قرشين عشان يمشى الشغل

وبعدين انت ذكرت احمد زويل مع احترامى الشديد لمكانته العلمية انا مبحبهوش ومبعتبرهوش مصرى لانه مقدمش شئ لمصر على عكس الدكتور مجدى يعقوب اللى عمل وبيعمل لولاد البلد دى وتحدى الصعاب وبيدى من غير ميقول الحكومة هتساعدنى بأيه

وقناة ازهرى اللى لحد دلوقتى لسة مبتبثش من مصر بتعمل اللى عليها وبتوعى الناس ومبتقولش الحكومة هتعملى ايه

انا مش بعترض على حرقتك اللى ليك حق فيها 10000000% بس انا زهق من البكاء على اللبن المسكوب احنا لازم نتطور لازم نعمل اللى علينا حتى ولو الحكومة وقفت قصدنا شوف مثلا عمروخالد وانا بحترمه جدا وبقدره ولى فضل عليا لاأنكره شوف برنامجه الجديد مجددون اترفض من التليفزيون المصرى وبعد ما اتفق مع تليفزيون الحياة اتعطل بعدين اتفق مع الرسالة ومتمش واخيرا بيذاع فى تليفزيون دبى مقعدش يندب حظه ولا يشتكى الحكومة ولو سئل اى سؤال عن تصرفات الحكومة معاه مبيردش وبيقول انا بحب بلدى فياريت كلنا نحب بلدنا وبجد نحاول نصلح منها ومن الاجيال اللى جاية لانها ممكن تكون الحكومة الجاية لان حكومتنا مننا مش مستوردنها

انا مع حضرتك ميه فى الميه فلا يصح الا الصحيح وانا ذكرت انه لابد ان يبدا الانسان بنفسه ويعمل فى صمت حتى يصل الى اهدافه واحلامه انا لست بواضع كل الاسباب على الحكومه ولكن انا بوضح الامور من وجهه نظرى ليعى ويدرك كل منا ما تفعل الحكومه وما الغايه ليعمل كل منا قدر استطاعته عاملا بقول رسول الله صلى الله عليه وسلم (من راى منك منكرا فيغيره بيده فان لم يستطع فبلسانه فان لم يستطع فبقلبه وذلك اضعف الايمان )
اولا حضرتك الحكومه دى على الاقل مش احنا الى مختارنها
ثانيا من عاقل يقول ان رئيس دوله يمسك الحكم 29 سنه
يبقى اكيد فى حاجه غلط ( تزوير فى تزوير ) او حضرتك هتيلى دليل ان فى حد راضى عن هذه البلد ونقول البلد فى مرحله النماء حضرتك اليابان بدات معانا شوفى هيا فين واحنا فين شوفى الصين احنا نيجى جنب الصين ايه يبقى اكيد فى حاجه غلط حضرتك الى مختاره وزير التربيه والتعليم مثلا طبعا لا هل انت راضيه عنه اظن لا احنا مجبرين على اى حاجه فى البلد حضرتك تقدرى تقوليلى امتى بنحب الريس وندعى ليه لما بنكسب ماتش كوره يبقى ايه الهدف اننا نلهى الشعب فى ماتش كوره
حضرتك تقوليلى ايه دور مجلس الشعب الحقيقيه انا معرفش بس لا جديد النائب الواحد يتكلم ويتكلم ويوضح وبعدين رئيس مجلس الشعب الدكتور احمد فتحى سرور يتكلم فى اى حاجه اتنين تلاته يرفعوا اديهم يلا موافقه والله حاجه تحزن
حضرتك تقدرى تقوليلى لو عندك جد عنده 80 او 85 سنه اكيد مش كل تصرفاته بتبقى عقلانيه او بيقى عاقل ميه فى الميه ده حكم السن وبعدين الزمن غير الزمن
يبقى انهى عقل يقول ان الرئيس محمد حسنى مبارك يمسك حكم 29 سنه يبقى اكيد فى حاجه غلط
قوليلى حضرتك حاجه واحده انتى مختارها فى الحكومه اظن لا شى هما يقولوا وجتمعوا ويخترعوا قانون واحنا ننفذ
يبقى مش احنا الى مختاريين الحكومه اه الحكومه ناس مننا بس يؤسفنى ان اقول اسوء ناس فى الشعب كل منهم هدفه مصلحته الشخصيه واهدافه فقط
هقول ايه ولا ايه .......
اما بالنسبه لاحمد زويل رجل واقعى جدا جدا نشا فى بلد لا تقدر العلم ولا العلماء حضرتك هو دكتور كمياء وذره ايه الى هيعمله لبلد لا فيها كمياء ولا ذره ولا حتى ....... دى الزراعه المصريه المشهوره بقت اسوء زراعه
ايه الى هيعمله للدوله متخلفه نعم دولتنا ليست بناميه
انظروا الى الدول الناميه كوريا ماذا نحن بجانبها
الدكتور احمد زويل راى انو عشان يحقق اهدافه لازم يهرب من مصر وده الى عمله ولو مكنش عمل ذلك مكناش سمعنا عن احمد زويل الدكتور المصرى العظيم هل كان يجلس جنب مصر ولا يذهب ليحقق احلامه ولو حتى على الاقل يقولوا مصر لسه بخير وفيها علماء وهذا لا يقلل من حب الدكور لمصر بس هيعمل ايه الدكتور لحكومه مش موافقه هيقف لوحده ضد حكومه وبعدين حضرتك ذكرتى عمرو خالد عمرو خالد فى قناه ابو ظبى يعنى ليست بمصريه يبقى ايه المعنى عشان انجح لازم اهرب ولا ايه
اما عن الدكتور مجدى يعقوب فهنا المجال مختلف الدكتور مجدى يعقوب اخصائى قلب
وما اكثر المرضى عندنا ثانيا الدكتور مجدى يعقوب مرجعش مصر الا بعد ما بطل مهنه زراعه القلب واكتفى بتوجيه تلامذته لانه لا يقدر الان على ممارسه تلك العمليات الخطيره يعنى معنى ذلك انو رجع بعد ما اتم كل احلامه وهنا الظروف مختلفه بين طب وكمياء اى بلد محتاجه لطب وليست لكمياء
وهضرب لحضرتك مثل بسيط انا الحمد لله لى عم رجل اعمال ناجح جدا ما شاء الله صاحب شركه العالميه للمطابخ لامريكيه فى الاردن عمان عنده العديد من المعارض ما شاء الله فى معظم دول العالم ما عدا مصر
للاسف فكر فى عمل فرع للمصنع هنا وكام معرض وبالفعل جاء ومعه بعض رجال الاعمال الذيم ليهم وزنهم وحجمهم
ليقعوا تحت رحمه موظف حسبى الله ونعم الوكيل يعنى اقول ايه يتحكم ويتامر عليهم ثم يقول اليهم وبكل وقاحه الباشا مش فاضى انهردا عدوا عليه بكرا
وبالفعل تانى يوم بالمعنى الدارج ( عملهم البحر طحينه )
كان قرار كل منهم احنا غلطانيين اننا عايزين نعمل حاجه لمصر ورجعوا على بلدهم وحضرتك تقوليلى مصر
وعلى العكس تماما فى المانيا ذهب واحد صديقه وهو بيحكيلى عن لسانه ليتم اوراق مشروع هناك وكان فى مكتب على ارقى مستوى ناس منظمين بيقدروا ويفهموا يعنى ايه استثمار وكانت الحادثه تعطيل بعد الورقه مما ادى الى تعطيل هذا الصديق لبضع ساعات فكان من ذلك الرئيس الالمانى المرموق انا يعذر له ويطلب منه ان يقول له ما الثمن المناسب لتضييع هذا الوقت بمعنى وهذا عن لسان عمى ( انت بتعمل كام فلوس فى الوقت الى انا ضيعته ده وانا هديهولك ) هذا هو الفرق
طيب اذاى اذاى لابد ان نبدا بانفسنا طيب وبعدين هنحقق احلامنا الشخصيه طيب فى بلدنا او خارج بلدنا واظن انه هيبقى خارج بلدنا وهنفضل نسكت على تلك الحكومه امنا وذلك العبث والتخريب
اانا بس تفسيرى لهذا يوم القيامه عن قريب والله اعلى واعلم
وحسبى الله نعم الوكيل واسف على الاطاله

انا اختلف معاك يا أحمد
ببساطة الأمر ان دى كورة بتفرح الناس اللى تعبت من التكشيرة و هم الحياة اليومى
بس
الموضوع مش محتاج تحميل بأبعاد تانية
و انتصارنا فى الكورة هو اثبات ان المصرى لما ياخد فرصة محترمة و نديلوا امكانيات بسيطة و ووقت و رعاية و دعم
انه هيعمل معجزات
و وصفة حسن شحاتة كانت
انتماء لمصر - ايمان حقيقى - تدريب و عمل و جهد - تخطيط و قراءة و متابعة - دراسة و حذر و تدقيق
- عدم مجاملة او وسايط او محسوبية - التزام و احترام - علاقة محترمة متبادلة - ايمان بالشباب

و الوصفة دى لو دققت فيها
هتلاقى اننا لو طبقناها فى اى مجال هنعمل نجاح رائع
المشكلة اننا مبنطبقهاش
ليه ؟
هو ده السؤال
و العملية فيها خليط من الناس و الوضع السائد و ظروف اقتصادية و ناس ليها مصالح و ناس اخلاقها وحشة
و غير و غيره

لكن انا شايف اننا لما ننجح فى مجال
و لما ناس ينجحوا فى مجال
ما نتفهش انجازهم و نقول ان دى حاجة اى كلام او مبالغ فيها

دى وجهة نظرى طبعا و لا الزم بها احد طبعا

و اعجبنى الحوار الثرى جدا فرح بطعم الحزن...... وعجبى Icon_biggrin

و ارجو ما اكونش طولت عليكم

الكوره دلوقتى هى فرحه المصريين الوحيده يا احمد فلا تحاول الهجوم كثيرا على هذا الموضوع
ولكنى اتفق معك فى الكثير
ورغم انى اعشق الكره فانا لا اتابع الكره المصريه واللى بيتابع الكره الاوروبيه فاهم انا مش بتابع ليه الكره المصريه
ثانيا : وجه نظرى
انا بعتبر الكره زى الجودو زى البنج بونج زى المصارعه كلها رياضه
ولكل رياضى الحق فى اختيار لعبته
ولكل مشجع ايضا نفس الحق
واخيرا
ان كنا لسنا افضل فريق لسنا اضعف فريق
والكره فوز وهزيمه
والكره الان هى لغه العالم التى لا يختلف عليها احد
ومبروك لمصر
وبجد انا فرحان اوى وفرحت بس مش لما كسبنا والله ابدا انا متفرجتش على شوط كامل من الماتش لان زى ما قولت مش مهتم بالكره المصريه
ولكن فرحت علشان بجد حسيت من جوه قلبى ان الناس كلها اخيرا فرحت
فارجوا منك رجاء صغير
لا تقتل تلك الفرحه