ليا صديقة دايما تقول ان مشكلة العنوسة دى وراها شئ كبير مش مجرد ازمة اقتصادية او دينية لاء فى حاجة اكبر ومن وجهة نظرها انها قد تكون مخطط لهدم اخلاق الشباب فالولد يقضى حياته على النت والمواقع الاباحية والبنات تصبح عرضة لازمة نفسية تجبرها لان تصاحب وتعرف الشباب لتعويض النقص لديها دى وجهة نظر قد تكون معتبره
لكن فى شئ حسيته ان الازمة دى اختبار من الله عزوجل ها هتثبتوا على ايمانكم وتوكلكم عليا ولا لاء هتقولولى طب ممكن ربنا يختبر صبرنا فى حاجات كتير قلة الرزق وفاة الاحباب والمشاكل التى ينتعرض لها فى حياتنا هقول معاكم حق لكنى اكتشفت ان مشكلة زاواج البنت هى بجد اكبر ابتلاء وهندى امثلة
ام منقبة ومتدينة وتدرس فى معهد اعداد الدعاه ولديها بنت مخطوبة ولا يوجد توافق بينها وبين خطبيها وفى مشاكل قلت للام خليها تصلى استخارة وربنا لو فى خير فى الزوج ده هيصلح الحال ولو مفيش فربنا يرزقها اللى احسن منه كان الرد لاء دى اتخطبت قبل كده مرتين مش هتفشكل التالته كمان لاء هى لازم تتجوز وخلاص الناس تقول ايه ؟ رائع فين التدين والتكال على الله الله اعلم
سيده بتطلع عمرة هى وزوجها كل سنه وحجت تقول لبنت جارتها لم تتزوج روحى لجارنا المعاق ذهنيا لانه منغولى خليه يشخبطلك على الورقة دى وانتى حالك يتعدل وتنفك عقدتك وتتجوزى كأن الجواز رزق هيجى بشخبطة على ورقة
دى امثلة وفى زيها كتير البنت اللى تخلع الحجاب عشان كل صحبتها المتبرجات اتجوزوا وهى ياللى ملتزمة فى لبسها لسة متجوزتش
واللى تدخل على مواقع الشات والجواز يمكن تلاقى عريس عشان صحبتها اتجوزت اللى كانت بتعمل معاه شات واتعرفوا واتجوزوا
وغيرها وغيرها من القصص اللى فيها دايما البنت المتدينة المحترمة بدون زواج واللى اقل منها تدينا اتجوزت وخلفت كل دة زود يقينى ان مشكلة العنوسة مش مشكلة امكانيات ولا اقتصاديات ده ابتلاء ربنا بيختبرنا ها هتثبتوا وتصبروا ولا ايمانكم بيا وتوكلكم مجرد الفاظ بتقولوها ووقت الجد التوكل ده والثقة فى الله بتذهب ادراج الرياح
اللهم ارزقنا حسن الظن بك وحسن التوكل عليك فلا ملجأ ولا منجى منك الا اليك ولا حول ولا قوة الا بالله العلى العظيم
الرئيسية 
