مطلوب عانس

موضوع: مطلوب عانس الجمعة يناير 29, 2010 11:22 pm

بسم الله الرحمن الرحيم

ومن اياته ان خلق لكم من انفسكم ازواجا لتسكونوا اليها وجعل بينكم مودة ورحمة ان فى ذلك لأيات لقوم يتفكرون
}صدق الله العظيم }

الزواج هو النواة الاولى لبناء المجتمع وبدونه تختل حركة الحياة وتنعدم الذرية ويزداد العنف والكبت ولاشك اننا حاليا نواجه كارثة اسمها العنوسة ويمكن تقولوا لى كارثة انتى مش مكبراها شويه هقول لاء هى فعلا كارثة ليه لان العنوسة تعنى عدم الزواج وهذا يعنى عدم الانجاب يعنى عدم وجود ذرية تعمر الارض وبالتالى تزداد الشهوات ولا تجد لها منفذ شرعى يحتويها وبالتالى يزداد الفجور وتزداد الجرائم وبالتالى يعم الارض الفساد والخراب شفتوا بقى انها كارثة

عشان كده فكرت اعمل الموضوع ده مش عشان نلاقى عرايس وعرسان لاء (بس ربنا يبعت )بس عشان نناقش مشكلة العنوسة بموضوعية عشان نقدر نحط ايدينا على الاسباب وبالتالى هنوصل لحل

وللاسف ان اغلب الشيوخ والدعاة بيقولوا ان العنوسة سببها المغالاة فى المهور وطلبات الزواج وده مش صحيح غير يمكن 10% من الاسباب وفى اسباب اخرى هى السبب عشان كده بطلب منك انكم تشاركونى وتقولوا افكاركم ومقتراحتكم قولوا قصصكم للى متجوزوش وايه الاسباب وياريت البنات يقولوا ايه الحاجات اللى بيدوروا عليها فى الشباب والشباب كذلك يمكن نوصل لحل

وياريت كل اللى سمع قصة او عاش تجربه يحكيها بدون خجل ولا كسوف لاننا كلنا اخوات وهدفنا النهضة بمجتمعنا وحل مشاكلنا

موضوع: رد: مطلوب عانس الأحد يناير 31, 2010 4:08 pm

اولا جزاكى الله خيرا على افكار حضرتك الى دائما رائعه
ثانيا الشيوخ عندهم حق فى اغلب الاحيان بس مش ده هو السبب الوحيد
السبب الرئيسى هو انتشار البطاله او عدم توافر المهن المربحه التى تعين على الزواج او اعاله الزوجه والاطفال فيما بعد
كما اظن ان من اسباب العنوسه ايضا حب الشباب للعزوبيه اى عدم التقييد وحبهم لعيش الحياه (بالطول وبالعرض)
بالاضافه الى خوفهم من الزواج لما نسمعه فما اكثر الطلاق والعياذ بالله
عدم قدره بعض الشباب على حمل المسؤليه لعدم وجود اهداف ليهم او طموحات
كما ان توافر المحرمات (الزنا ) ادى الى رفض بعض الشباب للزواج لانه بيفعل رغباته وبكل سهوله والعياذ بالله
كما اظن فى رايى الشخصى قله البنات الملتزمات المتزايد لعدم وجود وعى دينى او دنيوى وكذلك الشباب ايضا

اظن ان فى اسباب عده كثيره ولكن هذا ما طرق على ذهنى
وجزاكى الله خيرا مره ثانيه

موضوع: رد: مطلوب عانس الأحد يناير 31, 2010 4:12 pm

جزاك الله خيرا على تواصلك وفعلا الاسباب اللى قلتها صحيحة وفى اسباب اخرى قد تكون فردية لكن يمكن لما نجمعها نوصل لصورة عامة للمشكلة عشان كده انا سجلت مع بعض البنات وكل واحدة هتقول سبب بقئها الى الان بدون زواج وهنزل الحوارات مكتوبة وان شاء الله لو اتعمل قسم سمعى هبقى انزلها

ودلوقتى مع اول واحدة

أ .س 30سنة ترفض الزواج من اى شخص مدخن واقل منها فى التعليم وتعلل ذلك بأن المدخن قدوة سيئة لاولاده غير انه عصبى اما الاقل فى التعليم فهو عدم وجود تفكير وتفاهم مشترك وترفض من يشترط عليها لبس النقاب لانها ترى النقاب اختيار شخصى بين المرأة وربها وليس لاحد ان يجبرها عليه وترى ان التدين يكون بالافعال لابالمظهر كما هو سائد حاليا ودى المشكلة الاخرى التى تواجهها فالمتدينين متزمتين وهى ترفض هذا والعاديين فكرة التدين والقرب لله فى اواخر اهتماماتهم با قد تقتصر على الصلاة والصوم اما اعمال الخير صلة الرحم حسن الخلق ليست من اولوياتهم

ومن هنا نجد ان الفتاه المثقفة التى تريد زوجا طموحا يساعدها على تربية الابناء بالشكل الصحيح بدون تزمت ولا تسيب لاتجد مثل هذا الزوج فى المجتمع

لقد قمت بكتابة الحوار لكن لما بعته اكتشفت انى لازم اسجل دخول من جديد ولما سجلت طبعا الحوار ضاع هحاول اكتبه مرة اخرى واعمله كوبى عشان

الحق ابعته

جزاكى الله خيرا اختى اميره
بسم الله ما شاء الله على نشاطك المتسمر ويارب يثبتك
اما عن الفتاه الى ترفض التدخين اظن ان ممكن بعض صفاته الاخرى تتطغى على هذه الصفه السيئه
بمعنى انو مفيش انسان خالى من العيوب وممكن هيا بقدرتها تمحو هذه العاده السيئه
وفى ناس مدخنين كتير كويسين يعنى مش لازم نعمم كل المدخنين مش كويسين اظن ان التدخين ده اسبابه نفسيه اكتر منها اخلاقيه
اما عن التفاهم فهذا اهم اساس يبنى عليه الزواج واظن انه بيحدث تفاهم اكثر بعد الزاوج بس لابد انهم يكونوا متفقين على بعض الاساسيات
اما على التدين لدرجه التزمت فالصراحه انا اكتر حاجه بكرها بجد بخاف من الناس دى اهم حاجه الاعتدال
ودين الاسلام يدعو لكده اظن او اخدنا الدين بصوره الاعتدال هنتحسن كتير وعلى فكره فى ناس كتير كده بس مفيش انسان كــــــــــــــــامل فلابد ان تبحث عن شخص تجد فيه محاسنه اكتر من مساوئه
والله الموفق
ويارب نشوف تدخلات استاذ محمد وماما حنان احسن انا حاسس ان مفيش غيرى وغير حضرتك الى بنتكلم فى المنتدى ولو كده احنا ممكن ناخد منتدى ايجار جديد ليا وليكى بدل المنتدى الواسع الى مفهوش غيرنا ده Laughing

موضوع: مطلوب عانس الإثنين فبراير 01, 2010 3:05 pm

اولا ازيك احمد باشا كلامك اكبر بكثير من سنك وده معناه انك انسان واعى وقارىء ومتأمل جيد وانا مستمتعة بالحوارات التى تدور وعلى فكرةانت اللى مش بترد عليا مش انا ويهمنى والله مذاكرتك الاول وبعد كده هنعمل ان شاء الله شغل حلو جدا فى منتدى الاسرة المسلمة وانا مستنيه رايك فى اللى تقدر عليه فى المنتدى اما بالنسبة لموضوع مطلوب عانس هو موضوع لذيذ ومشكلة عايزه حل نقدر نعمله ان شاء الله فى الوقت المناسب وانا معاك طبعا ان السيجارة ليس معناها ان الانسان سىء لكن المهم ان الانسان ما يكونش تحت رحمة عادة او سلوك والسىء انه يكون ضار وفيه اشياء اصعب بكثير من السيجارة كالكذب و الخيانة والغدر والقسوة والبخل وعلى فكرة وحقيقى حرام انه يتقال انه توجد مغالاة فى المهور لان البنات اليومين دول بتساعد جامد وكل املها انه يكون فيه زوج قادر على تحمل المسئوليه وامين يشيع الدفء فى الاسرة وكم من اسر متوسطة او فقيرة ولكن سعداء بقناعتهم ورضاءهم وعلى الرجال ان يكونوا قوامين للنساء والابناء فهم الدعم الاساسى للاسرة وعنصر القوة وليس القسوة والعقل والحزم والامان و.................معلش انا طولت عليك بس الكلام معاكم جميل ولذيذ

هو أنا بس مستنى الحوار لما ينزل بالسلامة
لأنه الحوار من خبرة واقعية بيكون شيء اكثر تأثيرا
و يا أحمد انت تكتب
غيرك يقرأ مطلوب عانس Icon_biggrin

و مستعجلش على رزقك
مش احسن ما يخش حد و يتعبك فى الجدال مطلوب عانس Icon_lol

ahmed sabry كتب:: جزاكى الله خيرا اختى اميره
بسم الله ما شاء الله على نشاطك المتسمر ويارب يثبتك
اما عن الفتاه الى ترفض التدخين اظن ان ممكن بعض صفاته الاخرى تتطغى على هذه الصفه السيئه
بمعنى انو مفيش انسان خالى من العيوب وممكن هيا بقدرتها تمحو هذه العاده السيئه
وفى ناس مدخنين كتير كويسين يعنى مش لازم نعمم كل المدخنين مش كويسين اظن ان التدخين ده اسبابه نفسيه اكتر منها اخلاقيه
اما عن التفاهم فهذا اهم اساس يبنى عليه الزواج واظن انه بيحدث تفاهم اكثر بعد الزاوج بس لابد انهم يكونوا متفقين على بعض الاساسيات
اما على التدين لدرجه التزمت فالصراحه انا اكتر حاجه بكرها بجد بخاف من الناس دى اهم حاجه الاعتدال
ودين الاسلام يدعو لكده اظن او اخدنا الدين بصوره الاعتدال هنتحسن كتير وعلى فكره فى ناس كتير كده بس مفيش انسان كــــــــــــــــامل فلابد ان تبحث عن شخص تجد فيه محاسنه اكتر من مساوئه
والله الموفق
ويارب نشوف تدخلات استاذ محمد وماما حنان احسن انا حاسس ان مفيش غيرى وغير حضرتك الى بنتكلم فى المنتدى ولو كده احنا ممكن ناخد منتدى ايجار جديد ليا وليكى بدل المنتدى الواسع الى مفهوش غيرنا ده

اولا شكرا على مشاركتك واهتمامك بمتابعة المواضيع اما بالنسبة للايجار الجديد فليه نضيق على نفسنا ماالتمليك ده احسن ولا ايه

اما بخصوص التدخين فماشى انا موافقة معاك ان المدخن مش لازم يكون سيئ الخلق وعايزة اقولك ان فى علتى مدخنين بس انا كمان متفقك معاها فى انى برفض اى عريس مدخن من واقع معاشرتى لاقارب مدخنين وشايفة مساوء التدخين وتأثرها على اسرتهم ويمكن كمان لان والدى رحمه الله لم يكن مدخن فده خلانى مبستحملش ريحه الدخان

اما بخصوص انها ممكن تغير من العاده دى فأحب ابشرك انها تجربة فاشلة وكتير من البنات رضخت لاغراء التغيير والنتيجة فشل ذريع ورجوع للتدخين عند اول مشكلة او حرقة دم صدقنى ان التغيير مجاش من داخل الانسان يبقى تضيع وقت

حنان الخبيري كتب:: اولا ازيك احمد باشا كلامك اكبر بكثير من سنك وده معناه انك انسان واعى وقارىء ومتأمل جيد وانا مستمتعة بالحوارات التى تدور وعلى فكرةانت اللى مش بترد عليا مش انا ويهمنى والله مذاكرتك الاول وبعد كده هنعمل ان شاء الله شغل حلو جدا فى منتدى الاسرة المسلمة وانا مستنيه رايك فى اللى تقدر عليه فى المنتدى اما بالنسبة لموضوع مطلوب عانس هو موضوع لذيذ ومشكلة عايزه حل نقدر نعمله ان شاء الله فى الوقت المناسب وانا معاك طبعا ان السيجارة ليس معناها ان الانسان سىء لكن المهم ان الانسان ما يكونش تحت رحمة عادة او سلوك والسىء انه يكون ضار وفيه اشياء اصعب بكثير من السيجارة كالكذب و الخيانة والغدر والقسوة والبخل وعلى فكرة وحقيقى حرام انه يتقال انه توجد مغالاة فى المهور لان البنات اليومين دول بتساعد جامد وكل املها انه يكون فيه زوج قادر على تحمل المسئوليه وامين يشيع الدفء فى الاسرة وكم من اسر متوسطة او فقيرة ولكن سعداء بقناعتهم ورضاءهم وعلى الرجال ان يكونوا قوامين للنساء

والابناء فهم الدعم الاساسى للاسرة وعنصر القوة وليس القسوة والعقل والحزم والامان و.................معلش انا طولت عليك بس الكلام معاكم جميل ولذيذ

ماما حنان شكرا على مشاركتك وانا معاكى ان فى صفات سيئة كتير اكتر من التدخين لكن ماننكرش ان التدخين مشكلة بجد وبدلا من اننا نوعى الشباب بخطورتها وانها ممكن تكون السبب فى رفض عائلات ليهم لا احنا بنحاول التأثير على البنت بأنها تقبل وتحاول تغير ومعلش تقبل ايه تقبل زوج بيرتكب معصية وهى واخداه وهو مرتكبها ( التدخين حرام شرعا ) يعنى زى اللى مبيصليش - كمان ليه تتحرم من دخول الملائكة بيتها (ان الملائكة تتأذى مما يتأذى منه الانسان)ومعتقدتش ان فى حد مبيتأذاش من ريحة السجاير

انا بعدها تانى انا مبقولش ان المدخن سئ الخلق لكن بقول احنا عايزين بيوت قايمه على المحبة والالفة والاختيار الواعى لتأسيس بيت اسلامى يخرجلنا اجيال تشيل الدين ده على كتافها ومعتقدتش ان الاجيال دى هتيجى من تنازل البنت وقبولها لزوج أ ب شرعا غير مقبول

Admin كتب:: هو أنا بس مستنى الحوار لما ينزل بالسلامة
لأنه الحوار من خبرة واقعية بيكون شيء اكثر تأثيرا
و يا أحمد انت تكتب
غيرك يقرأ
و مستعجلش على رزقك
مش احسن ما يخش حد و يتعبك فى الجدال

بخصوص الحوار هو موجود وانا كتبته بس المنتدى الغلس هو اللى ضيعة فحاول اقعد اكتبه تانى او قولى انزله صوت ازاى على المنتدى واريح بالى

اقتباس :

بقى بتغلطى فى المنتدى الغلس ده !!!!
ماشى هتنزل المرة دى!!!

نتكلم جد بقى :
نصيحة عموما حاولى تطبقيها علشان الحكاية دى
وهى
انك لما تيجى تكتبى حاجة
تكتبيها على ملف وورد word
بحيث انك تجهزيها كاملة على الإرسال
و متغلطيش الخطأ الشائع
بكتابتها فى المنتدى و فى خانة الإرسال نفسها

ليه ؟
افرض النت قطع ؟
البرمجة وقعت ؟

ان وقتك المحسوب - بغير نشاط - انتهى فى المنتدى اثناء كتابتك

تفسيرى للغلاسة بقى :

المنتدى هنا
بيعتبر العضو الذى لم يرسل او يتصفح المنتدى طوال 60 دقيقة
يعتبره خامل و يطلب منه الدخول مرة أخرى
و الحكاية دى امنية عليا لحماية الباسورد للاعضاء
( فى حالة نسيوها فى كافى نت او شيء من هذا القبيل

فوالله اعلم
يظهر انك كنتى بتكتبى الحوار فى خانة الرد
و قعدتى فيها اكتر من ساعة
لم تتصفحى خلالها المنتدى ابدا او ترسلى اى مشاركة
فلما جيتى تبعتيها
طارت يا مرسى مطلوب عانس 806927

!!!

عموما رفع الحوار صوتى
زى ما عملتى فى ندوة الشيخ خالد الجندى بالضبط
ابعتى لى اللينكات انتى و انا هاضبط الموضوع هنا و يوتيوب كمان
متحمليش هم

اميرة على فكرة انا مش بدعم فكرة ان السجائر حلوة او حتى حلال او حرام لكن احيانا فيه اشياء نحتاج فيها ان نراها بهدوء كحل لها ومنها السجائر طبعا لكن انا مثلا لاستطيع ان اجزم بان شارب السيجارة لايتزوج لانه يقوم بعمل خارج عن الدين هوشىء سىء ومكروه ومؤذى وانامعك فى ذلك جدا لكننى ومن خبرتى ومن مااشاهده ليسوا جميعا بهذا السؤ وادعو الله لهم بالابتعاد عنها فهى معصية فى حق انفسهم وخسارتهم الصحيه كبيرة ايضا وحتى ينالو رضاء الله كاملا وان كنت اراها ايضا لم تصبح كسابق عهدها فهى فى التراجع بفضل وعى الابناء والطلبة بها وما تقوم به النشاطات بالمدارس وعن طريق الاتحادات الطلابيه وتقوية العزيمه والارادة وتقوية الشخصية وعمليات التسفيه لمن يشربها والتعزيز لمن يقاومها هكذ ا عموما انا مش بحب عمليات التعميم فى بعض الاسياء ودائما احب ان اعطى بعض الاعذار والاسباب حتى نستطيع الخروج من المشكلات بطرق اكثر ايجابية من وضعها كمحظورات واشياء مرفوضه لن تنال الا الرفض المضاد والخسارة والابتعاد والقيام بها من ورائنا
اميرة انا سعيدةبالكلام معاكى وادى احنا بنفكر سوى فى حلول وكمان جميل انه يكون لنا مبادىء قوية ندعمها سويا

ماما حنان شكرا على ردك وانا معاكى فى حته التغاضى وعدم التعميم

بس اللى ممكن انا اتغاضى عنه بنت اخرى لاتستطيع التغاضى عنه وهكذا يعنى مثلا انا لايمكن ان اتغاضى عن موضوع السجائر لكنى ممكن اتغاضى عن بدايات الغرور لاى بعرف اتعامل مع النوعيه اللى مناخرها طلعة لفوق شويه غيرى متقدرش يعنى مسأله نسبية

وموضوع السجاير خاص بالحالة رغم انه معايا اكتر من حالة متفقين على الوضع ده بس برضه مختلفين فى الاسباب الاخرى وده هيبان لما انزل الحالة التانية قريبا ان شاء الله بس بتتظبط

موضوع: مطلوب عانس الخميس فبراير 04, 2010 12:34 am

امورةحبيبتى انا برضه مبقولش التغاضى او التعميم انا قصدى حالةالرفض المطلق او الموافقة الصريحة لكن هى حالة قد يعانى منها بعض الاشخاص وتحتاج لدراسة بقدر حجمها للتخلص منها ولاتعنى انهم اشخاص يجب الابتعاد عنهم مثلا فى كل الاوقات ..........

امورة شكرا وان سعيدة بيكى جدا

موضوع: رد: مطلوب عانس السبت فبراير 06, 2010 10:06 pm

وانا سعيدة اكثر بالنقاش معاكى

موضوع: ضيعت عمرى السبت فبراير 06, 2010 10:18 pm

غ.ف فتاة عندها 37 سنة اتخطبت لابن خالتها بعد مخلصت الجامعة وفضلوا مخطوبين 5 سنين ومقدرش يجهز البيت فدور على عقد عمل بالخارج وانقطعت اخباره عنها لمدة سنتين ولما كانت بتشتكى لخالتها كانت بتصبرها وامها كذلك لحد ماجت خالتها فى يوم وطلبت منها الشبكة وقالتلها ان ابنها اتجوز برة

كده بكل بساطة بعد مضيع 8 سنين من عمرها زهرة شبابها وبعد مرفضت الكثير من اجله والمشكلة الاكبر ان كل اللى يعرف حكايتها وغدر ابن خالتها بيها يقول اكيد فيها حاجة مع انها انسانه غلبانه جدا اتخرجت من كليه التجارة ومن يوم متخرجت وهى بتشتغل فى عيادة دكتور كبير وقفلت على نفسها سواء فى مجال الشغل او فى مجال الزواج ودلوقتى هى مش قادرة تخلق لنفسها مجالات شغل جديده تتعرف بيها على ناس جداد لانها خجولة بطبعها

ادى اللى جنته فتاة من غدر القريب قبل الغريب ضيع زهرة شببها وسابها فى السن اللى للاسف غير مطلوب للزواج لان مهما الشاب كبر برضه بيدور على بنت فى اوائل العشرينات مش فى التلاتينات رغم انها انضج واعقل

موضوع: رد: مطلوب عانس السبت فبراير 06, 2010 10:31 pm

طبعا النداله موجودة علشان كده احنا فى منتدى الاسرة المسلمة والاخوات المسلمات لازم نخفف من وطأة الظلم والقسوة التى تعانى منها كثير من الفتيات مع اختلاف القصص والمعاناة التى تتعرض لها كل واحدة وعلى اللا تبكى على اللبن المسكوب وياريت تشترك معانا هذه الاخت العزيزة علنا نقلل ونرفع عنها شى ءمن معاناتها وتجد عندناما يساعدها مرةاخرى فى العودة الى سابق عهدها بنفسها ولها ولك منى وافر التحية

موضوع: رد: مطلوب عانس السبت فبراير 06, 2010 10:35 pm

شكرا على اقتراحك وهحاول اقول لها وصدقينى انا سمعت حكاوى ليها العجب وربنا الستار

موضوع: رد: مطلوب عانس الجمعة فبراير 12, 2010 1:07 am

بجد موضوع رائع جداااااااااا
واسمحولى اشارك فيه
اولا انا معتقدتيش ان السبب المهور والشبكة والحاجات دى
غير قليل جدااااااا لان بصراحة اللى يفكر في الحاجات دى دلوقتى بيبقي انسان مريض
لاننا في زمن صعب جدااااااا لو كل اب وام اتقدم لهم ساب كويس لبنتهم اكيد
هيتغضوا عن الحاجات دى عشان الامر يمشي
لكن في بعض الناس تقول لا انا بنتى مش اقل من حد دى مش عارفة مين خطبها جاب لها ايه
او فلانة جابوا لها ايه
احنا لو بطلنا نفكر كدة اكيد الوضع هتغير

ثانيا المسئولية زى ما اخونا احمد قال
دلوقتى من الجنسين شباب وبنات بصراحة مش على قدر من تحمل المسئولية كل واحد فيهم عايش لنفسه ولمصلحته وبس
وشايف ان الحواز ممكن يعطله ويقف في طريقه

ثالثا نسبة الطلاق زادات جدااا الايام دى
ففى كتير خايف من الموضوع ده بيقول ليه اتجوز لما النهاية معروفة مع ان غلط نفكر بالطريقة دى
او مثلا بنت او ولد حد من اصحابهم اتجوزا وبيحكوا لهم عن مشاكلهم
فهيبقوا دايما شايفين ان هتبقي في حياتهم مشاكل

رابعا القدوة وهتقولوا ايه دخل دى في دى لا طبعا ليها دخل كبير
احنا دلوقتى افتقدنا القدوة بشكل كبير فالشاب
مثلا شايف والدته افضل انسانة وعايزة يتجوز واحدة زيها في صفاتها
لانه شايف ان البنات الايام دى مثلا مش على قدر كبير من الدين
وطبعا هيفضل يدور عليها دول عمره واحتمال مالايقهاش
ده بقي لو قدوة كويسة

لكن في شباب عايز يتجوز واحدة شبه فلانة الممثلة المشهور
ولا فلانة المغنية
وطبعا ده هياخد بالشكل وبس
مش بالاخلاق ولا بالدين
وعلي فكرة ده سبب مهم جداااااا لزيادة نسبة العنوسة وده طبعا برعاية قنوات الاغانى والافلام والكليبات والفضائيات

خماسا زى حكاية البنت اللى حضرتك قولتيها اللى فضلت مستنة ابن خالتها8 سنين
فدى جربت مرة ومش هتجرب تانى لانها بكل بساطة شافت ان كل الشباب
مش كويسين
او في مثلا اللى والدها بيكون مش كويس في معاملته ليها او واحد ووالدته مكنتش بتعامله كويس
او مثلا زى اللى بنسمع عنهم والدها سبهم ومشي فالموضوع قلب بعقدة
سادسا في كتير من البنات
بيقوا وصلوا لدرجة كبيرة اوى في شغلهم فده بيخليهم مش مستعدين يخسروا اللى وصلوا له بسبب الجواز
سابعا في كتير يبقوا خايفين ليعشوا في مستوى اقل من اللى هما فيه او اتعودوا عليه
او خايفين لا اللى يتجوزايكون اقل منهم سواء اجتماعيا او ثقافيا
ده اللى جيه علي بالى لكن لو فيه حاجة تانى اكيد هقولها
طلما فى العمر باقية

موضوع: رد: مطلوب عانس السبت فبراير 13, 2010 11:08 pm

بصراحة ياديرو اسلوبك منظم وبجد اتكلمتى فى كذا سبب هما بالفعل السبب فى عنوسة ناس كتير

عجبنى تفكيرك وهستنى المزيد من مشاركاتك

موضوع: رد: مطلوب عانس الأحد فبراير 14, 2010 10:50 pm

شكرا جداااا لحضرتك
وانا مبسوطة ان حضرتك
عجبك كلامى
وانا هستنى موضوعيك المميزة

موضوع: رد: مطلوب عانس الخميس فبراير 18, 2010 1:33 am

الموضوع نزلناه على اليوتيوب

البرومو

الحلقة كاملة

جزء 1

جزء 2

و لسه

و ألف مبروك يا أخت أميرة
شغلك جميل جدا

ان كان شغلى جميل فده بفضلك وفضل كل اللى بيشجعونى واولهم انت وماما حنان

يمكن تستغربوا من كلامى لو قلت ان الحب فى بعض الاوقات بيكون سبب من اسباب العنوسة وعشان اكون محددة اكتر انا بتكلم عن حب الجامعة والعلاقات اللى بتحصل فى الجامعة انا مش هدخل فى حتة حلال ولا حرام انا هتكلم فى جانب تانى وهو نظرة كل طرف من الطرفين للحب

الحب عند البنت يعنى امان واستقرار وزوج وبيت البنت لما بتحب بتحب بكل جوارحها وبتوظف احلامها ببكرة للشخص اللى بتحبه فبيكون هو امها وابوها وزوج المستقبل وابواطفالها

الحب عند الولد فى اغلب الاحيان بيكون وسيله للوصول الى هدف تجاه البنت اللى بيقولها بحبك واللى فى اغلب الاوقات مبيكونش عنده نيه للزواج بيها وبيسبها عند اول ملف

نيجى بقى ان الحب بيكون سبب للعنوسة ازاى بأختصار كده البنت لما بتحب شخص بتهيئ نفسها انه هو هيبقى شريك حياتها ولا احد غيرة وبالتالى ببتضيع من عمرها سنين وهى مستنيه الشخص ده لما يخلص الجامعه ويشتغل ويكون نفسه عشان يتجوزها وتفضل مستحمله على الامل ده وضيع من عمرها سنين وصلت فى بعض الحالات الى 10 سنين لكن فى الاخر بتفوق على كارثة وهى ان حبيب القلب يوم ما فكر بتجوز فكر فى واحده تانيه خالص واحده تنقيه ماما وبرر لنفسة ان اللى كان مرتبط بيها لاتصلح لان تكون زوجه وام فهى غير مؤتمنه والغلبانه ضيعت احلى سنين عمرها عليه ودلوقتى دخلت فى 26 او 27 سنه وللاسف فرص زوجها بشخص مناسب قلت لان الشباب كتر خيرهم يوم مبيفكروا يتقدموا لوحده لازم تكون فى اوائل العشرينات حتى ولو كان هو فى اوائل الثلاثينات بس نقول ايه امخاخ

والادهى هو ان البنت يكون عندها قبول للزواج لو اتقدملها الشخص المناسب لكن فى اغلب الاحوال بتكون البنت محتاجه فرصة لاعادة تأهيل نفسها لتقبل شخص اخر غير اللى حلمت بيه ورسمت حياتها معاه يكون شريك حياتها وللاسف اعادة التأهيل دى بتسحب من عمرها كام سنه كمان عشان تصحى فى يوم تلاقى نفسها داخلة على 30 وهى لسة محلك سر وياسلام لو القدر يحط فى سكتها حبيبها اللى ضيعت عمرها عليه وهو ماشى مع مراته ومعاه طفل ولا اتنين وعايش حياته ولاهمه ساعتها هتتمنى الموت عن حق وتحس قد ايه كان غبيه لما ضيعت عمرها على واحد مايستهلش

انا عارفة انكم يمكن تقولوا تستاهل مده جزاء اللى يغضب ربنا انا مش هلوم اللى هيقول كده لكن هقول من كان منكم بلا خطيئه فاليرميها بحجر بل فاليرمى الكثير من الفتيات بحجر لانها مش قصة بنت ولا اتنين دى قصص لبنات كتير تابوا ورجعوا لربنا بس المجتمع مش عايز يديهم فرصة تانية الشاب اللى سنه مناسب ليهم ومصمم انه يتجوز بنت فى اوائل العشرينات مش عايز يديهم فرصة تانيه الشاب اللى بيحكمهم على ماضيهم مش عايز يديهم فرصة تانية

وفى الاخر بقول لكل بنت ان ما حفظتيش على كرامتك وكبريائك مفيش حد غيرك هيحافظلك عليهم

موضوع: رد: مطلوب عانس الجمعة فبراير 26, 2010 6:14 pm

طيب ماشى ونقول لكل متجوزه متتنزليش متقدميش تنازلات حافظى على كرامتك ولو فى اى حاجه اخربى بيتك

» مطلوب مترجمين